பிரபஞ்சவியல்......

பிரபஞ்ச அறிவியல் குறித்து தவறான புரிதலோ அல்லது புரிதல் இல்லாமையோ இருக்கலாம், ஆனால் என்ன சொன்னாலும் நாம் சொல்வதெல்லாம் பொய் என்ற ஒற்றை வாதத்தில் மதவாதிகள் நிற்பது ஒரு பொழுதும் அவர்கள் மதத்தை காப்பாற்றாது.

மதவாதிகளின் கேள்வி ஒரு கோள் அல்லது நட்சத்திரம் இவ்வளவு தொலைவில் இருக்கிறது என எப்படி கணக்கிடுறார்கள், அது நம்பும் படியாக இல்லை, அறிவியல் ஆர்வலர்கள் பகிரும் படங்கள் அனைத்தும் கம்பியூட்டரில் கிராபிக்ஸ் செய்யப்பட்டவை, கடவுளை இருப்பை மறைக்க நீங்கள் செய்யும் தில்லாலக்கடி வேலை என்பது

ஒரு எளிமையான கணித ஃபார்முலா, ஒன்பதாவது வரை மட்டுமே படித்த எனக்கு ஞாபகம் இருக்கிறது, என்னால் புரிந்து கொள்ள முடிகிறது என்றால் நீங்கள் புரிந்து கொள்ளாமல் இருக்க காரணம் அறியாமை என்று சொல்வதை விட அறிவிலிதனம்னே சொல்லலாம்

AB ஸ்கொயர் + BC ஸ்கொயர் = AC ஸ்கொயர் என்பது தான் அந்த ஃபார்முலா
பூமியின் ஒரு பகுதியில் இருந்து குறிப்பிட்ட கோளை படம் பிடிப்பார்கள், அதன் கோணத்தையும் குறித்து வைத்துக்கொள்வார்கள். அந்த இடம் A என கொள்க, பிறகு தொலைவில் வேறு ஒரு இடத்தில் இருந்து அதே கோளை படம் பிடிப்பார்கள், அதன் கோணத்தையும் குறித்துக்கொள்வார்கள். அதை B என கொள்க, இப்போது அந்த ஃபார்முலா மூலம் C யின் கோணத்தை அறிய முடியும்

இவ்வாறே கோள் அல்லது நட்சத்திரத்தின் தொலைவு அறியப்படுகிறது. கீழே படத்தில் குறிப்பிட்டதில் வெகு சின்ன புள்ளி நமது சூரியன். சூரியனும் ஒரு நட்சத்திரம் தான் என்பதை இவர்களுக்கு புரியவைக்கவே நமக்கு தாவூ தீருது. அடுத்து இருக்கும் சைரஸ் நம்மால் வெறும் கண்ணால் பார்க்கமுடிந்த பிரகாசமான நட்சத்திரம், காரணம் அது சூரியனுக்கு அருகில் இருப்பதால். சூரியனை விட பல நூறு மடங்கு பெரிய நட்சத்திரங்களும் நம்மால் வெறும் கண்ணால் பார்க்க முடிந்ததே, தூரத்தில் இருந்தாலும் அளவின் காரணமாக நம்மால் பார்க்க முடியும்

கீழே கொடுக்கப்பட்ட தூர அட்டவணையில் குறிப்பிடாத ஒன்று நம் சூரியன், நம் சூரியன் நம்மை விட 8 ஒளி நிமிட தூரத்தில் இருக்கிறது, அதாவது சூரியனின் ஒளி நம்மை வந்தடைய 8 நிமிடங்கள் ஆகிறது. ஒளியின் வேகம் ஒரு நொடிக்கு3 லட்சம் கிலோ மீட்டர், அப்படியென்றால் பூமிக்கும், சூரியனுக்கும் உண்டான தூரத்தை கணக்கிட்டு கொள்ளுங்கள்

SIRIUS 8.6 ஒளி ஆண்டுகள்
POLLUX 34 ஒளி ஆண்டுகள்
ARCTURUS 36.7 ஒளி ஆண்டுகள்
RIGEL 860 ஒளி ஆண்டுகள்
BETELGEUSE 640 ஒளி ஆண்டுகள்
ANTARES 550 ஒளி ஆண்டுகள்


முட்டாள்தனத்தின் இரண்டாம் ஆண்டு விழா....

டிகிரி படித்த இளைஞர்கள், மெடிக்கல் ரெப் போன்ற ஒயிட் காலர் வேலையில் இருப்பவர்களுக்கு பொருளாதாரம் பற்றி பத்து பைசாவுக்கு கூட தெரியவில்லை. பாஜகவின் முட்டாள்தனமான, அரைவேக்காட்டு தனமான பொருளாதார முடிவுகளால் நாட்டின் நிலை பற்றி சொன்னாலும் அவர்கள் காதில் எதுவுமே விழுவதில்லை, பாஜக பற்றி பேசினாலே அது இந்து மதத்துக்கு எதிரான வாதமாகவே பார்க்கிறார்கள்

நாடாளுமன்ற கூட்டுகுழுவே பண மதிப்பிழப்பு தோல்வி என வெள்ளை அறிக்கை கொடுத்தபின்பும் அருண் ஜெட்லி அதை வெற்றி என அறிக்கை விடுகிறார், பக்தாஸ் வழக்கம் போல் முட்டு கொடுத்துகிட்டு இருக்காங்க, அவர்கள் சொல்வது



கருப்பு பணம் ஒழிந்தது..

இதுவரை 99.4% அளவு பழைய நோட்டுகள் ரிசர்வ் வங்கிக்கு திரும்பி விட்டன, அதிகமாக டெபாசிட் செய்தவர்களுக்கு நோட்டீஸ் அனுப்பப்பட்டதாக அரசு தரப்பு சொல்கிறது, ஆனால் அவற்றை உடைக்க என்னால் கூட முடியும்,

அறிவிப்பு வரும் நாளன்று ஆந்திராவில் பாஜக பிரமுகர் ஒருவர் வீட்டில் 580 கோடி செலவில் ஒரு திருமணம் நடந்தது, சேகர் ரெட்டி மற்றும் முட்டை ஒப்பந்த நிறுவனத்திடம் கோடிக்கணக்கில் பணமும், தங்க கட்டிகளும் எடுக்கப்பட்டது, பக்தாஸ் விசாரணை நடக்கிறது என முட்டு கொடுப்பார்கள், ஆனால் உண்மையில் அந்த பணம் திருப்பி கொடுக்கப்பட்டது, அதிமுகவின் கொட்டை பாஜகவிற்கு தேவைபட்டதால் அந்த கருப்பு பணம் பெயிண்ட் அடித்து வெள்ளையாக்கப்பட்டது

கள்ள நோட்டு ஒழிந்தது

பழைய கள்ள நோட்டு ஒழிந்ததால் பிரிண்ட் அடிந்தவனுக்கு யாதொரு நட்டமும் இல்லை, சென்ற மாதம் கோவையிலும், சென்ற வாரம் மதுரையிலும் கள்ளநோட்டு அடிக்கும் கும்பல் பிடிப்பட்டது, தமிழ்நாட்டில் இரண்டு இடங்கள் என்றால் இந்தியா முழுவதும் எவ்வளவு கள்ள நோட்டுகள் தற்பொழுது புழக்கத்தில் இருக்கும் என்பதை கணக்கிட்டுக்கொள்ளுங்கள்

வரி வருவாய் உயர்ந்தது..

வரி வருவாய் உயர்வுக்கு காரணம் ஜி.எஸ்.டி
தயாரிப்புக்கு உண்டான கச்சா பொருட்களில் இருந்து நுகர்வோர் கைக்கு வரும் வரை பல கட்டங்களில் வரி வசூலிக்கப்படுவதால் வருவாய் அதிகரித்துள்ளது, அவை அனைத்தும் நுகர்வோர் தலையில் விடிந்தது தான் உண்மை, விலை அதிகரிக்கவில்லை என்பது பக்தாஸ் வாதம், 20 கிராம் பற்பசை 15 கிராம் டியூப்பாக குறைந்தது அவர்களின் ஞானக்கண்ணுக்கு தெரியாது

வேலை வாய்ப்பு உருவானது..

உண்மையில் பணபுழக்கம் இல்லாமல் கோவை மற்றும் திருப்பூரில் மட்டும் பல குறுந்தொழில்கள் முடங்கின, அதனால் ஆயிரக்கணக்கில் வேலை இழந்தனர்,

அரசு தரும் வேலை வாய்ப்பு புள்ளி விபரம் ஒரு மோசம், எம்பாளிஸ் ப்ராஃபிடண்ட் ஃபண்ட்(EPF) என்பது ஒரு நிறுவனத்தில் 20 நபர்கள் வேலை பார்த்தால் அவர்கள் சம்பளத்தில் பிடித்தம் செய்து அரசு வைப்பு நிதியில் சேர்க்க வேண்டும், மோடி அரசு 10 நபர்கள் வேலை செய்தாலே அவர்களுக்கு EPF பிடித்தம் செய்ய வேண்டும் என அறிக்கை விட்டது, அதனால் சிறு நிறுவனங்கள் வேலையாட்களை கணக்கில் கொண்டு வர வேண்டி இருந்தது, புதிதாக கணக்கில் வந்த அந்த பழைய ஆட்களை அரசு உருவாக்கிய வேலை வாய்ப்பாக மோசடி கணக்கு காட்டியது பாஜக அரசு



எவ்வகையிலும் பலனில்லாத இந்த முட்டாள்தனமான முடிவை முட்டு கொடுப்பதால் மட்டும் நியாயப்படுத்தி விட முடியாது, அறியாமையில் இருக்கும் மக்களை இம்மாதிரி உண்மையை எடுத்து கொள்பவர்களை இந்து மத விரோதி என்ற போர்வையில் மடை மாற்றி கொண்டிருக்கிறது அரசு. உயர்ந்த விலைவாசி, பெட்ரோல் விலை போன்றவற்றை நாட்டு நலனுக்காக என நம்பிக் கொண்டிருக்கிறது பக்தாஸ் கூட்டம்

3000 கோடி பட்டேல் சிலையில் என்ன நாட்டு நலன் கண்டீர்கள் பக்தாஸ்

மானமும், மானியமும்...........

இலவசத்துக்கும், மானியத்துக்கும் படித்த அறிவிஜீவிகளே குழப்பிக் கொள்ளுதல் நகைமுரண்
அரசு பள்ளிகளில் கட்டணம் பெறுவதில்லை, அப்படியே பெற்றாலும் அது மிக சொற்பமாகவே இருக்கும், ஆனாலும் ஆசிரியர்களுக்கும் மாணவ/மாணவியர் படிப்பு உபகரணங்களுக்கும் அரசே பணம் கொடுக்கிறது. அது இலவசமா?

மத்திய, மாநில அரசுகள் கல்வி, சுகாதாரம், மனித வள மேம்பாடு என சில முக்கிய துறைகளுக்கு மக்கள் வரிபணத்தில் இருந்து கணிசமான தொகையை ஒதுக்குகிறது. அதிலிருந்து தான் கல்விக்கும், அரசு மருத்துவமனைக்கும் மேலும் ஃபேன், மிக்ஸி போன்ற பொருட்களும் கொடுக்கப்படுகிறது
ஃபேன், மிக்ஸிக்கு பதில் வேற வழியில் மனிதவள மேம்பாட்டை யோசிக்கலாம் என்பது என் கருத்தாக இருந்தாலும் அதுவும் மக்கள் வரிபணம் தான், எந்த கட்சிகாரனும் சொந்த காசில் அதெல்லாம் கொடுப்பதில்லை, கொடுக்கும் அரசு அதில் தனக்கான விளம்பரத்தை தேடிக்கொள்வதால் தான் சினிமா வரை பேசப்படும் உறுத்தலாகி விட்டது

அரசு பள்ளியில் படித்து, இட ஒதுக்கீட்டில் வேலை பெற்ற ஒருவரின் பிள்ளை இட ஒதுக்கீடு தான் எல்லா பிரச்சனைக்கும் காரணம் என பேசிக்கொண்டு திரியிறான். இட ஒதுக்கீடு சமத்துவதை அழிக்கிறது என்று பார்ப்பனியத்தின் விசதிணிப்பு இது.
இலவச அரிசி மற்றும் இலவச பொருட்களால் ஒரு அரசு பெறும் விளம்பரத்தை விட அதிக அளவில் கொள்ளையடிக்கிறது, நமக்கு கொடுக்கப்பட்டது நம்மிடம் இருந்து வாங்கிய வரி பணம் தான் என்று விழிப்புணர்வு ஏற்படுத்த வேண்டுமே தவிர, அவற்றால் தான் நாடு நாசமா போச்சுன்னு பேசுறது சிறிதும் புரிதலற்ற மேட்டுகுடிதனம்

பங்குசந்தை இன்றைய ஆலோசனை...

ஒரு ஸ்கிரிப்டில் 48000 ரூபாய் என பார்க்கும் பொழுது ஈடுபவர்களுக்கும்,  ஈடுபடநினைப்பவர்களும்  ஆசையாகவும் பணம் இல்லையே என்ற இயலாமையாகவும் தான் இருக்கும். இயற்கையானதும் கூடத்தான்

பங்கு சந்தை என்றில்லை, எந்த தொழிலாக இருந்தாலும் முதலீடுக்கு என்ற லாபம் தான் கிடைக்கும் என்பது அடிப்படை விதி. நம் திறமையால் தொழிலை வளப்படுத்தி லாபத்தை பெருக்கிக்கொள்கிறோம்.

10000 முதலீடு செய்து எனக்கு தினம் 10000 லாபம் வேண்டும் என்றால் அந்த முதலீடு 10000த்தை இழக்கவும் நீங்கள் தயாராக இருக்க வேண்டும், எனக்கு தெரிந்த ஒருத்தர் அப்படி சம்பாரித்தார் என்பீர்களேயானல் அவர் தற்பொழுது என்ன செய்து கொண்டிருக்கிறார் என பாருங்கள். அனைத்தையும் இழத்து பங்கு சந்தையை சூதாட்டம் என்று அனைவரிடமும் குற்றம் சாட்டி கொண்டிருப்பார்

யெஸ் பேங்க் 96 ரூபாய்க்கு எதிர்கால ப்ங்கு வணிகத்தில் 1750 பங்கு லாபம் பார்த்தோம். ஆனால் அது சிலரால் மட்டுமே முடிந்தது. அவர்களிடம் அதற்கேற்ற முதலீடு இருந்தது. நம்மிடம் இல்லை அதை வேடிக்கை மட்டுமே பார்த்தோம்.

அதனால் என்ன? எதிர்கால பங்கு வணிகத்தில் தான் ஈடபட வேண்டும் என ஏன் நினைக்கனும். உங்கள் முதலீடு 10000 மட்டுமே இருந்தால் நடப்பு பங்கு வணிகத்தில் 9600 ரூபாய்க்கு 100 பங்குகள் வாங்கலாமே.

உலக பணகாரர் வாரன் பஃபெட்டிம் கேட்டார்களாம், உங்களுக்கு பெரிய படிப்பு அறிவும் இல்லை, கணிணி அறிவும் இல்லை. ஆனால் உங்களை விட எல்லாம் திறமையும் இருக்கும் மற்றவர்களால் ஏன் உங்களை விட அதிகம் சம்பாரிக்க முடியவில்லை என்று, அதற்கு அவர் சொன்ன பதில்

அவர்களுக்கு பொறுமை இல்லை என்பது தான்

பங்குவணிகத்தில் திட்டமிடுதல் அவசியம், பொறுமை அவசியம், கூடாவே கூடாத விசயம் பேராசை. பேராசை இருந்தால் லட்சமே இருந்தாலும் ஒரே நாளில் இழக்கக்கூடும்

ஒரு நாளைக்கு 10 பரிந்திரைகள் செய்கிறேன் என்றால் பத்திலும் பத்து பத்தாக முதலீடு செய்யுங்கள், ஒரே பரிந்துரையில் முதலீடு செய்து மாற்றம் இல்லையே என கன்னத்தில் கை வைத்தால் அது யார் தவறு, அதை தான் திட்டமிடல் என்றேன்.

இனிவரும் வர்த்தக நாள்களில் உங்களிடம் மாற்றம் இருக்கும் என எதிர்பார்க்கிறேன். உங்களை சந்தேகங்களை கேளுங்கள். நம்பிக்கை இழக்காதீர்கள். சரியான பாதையில் சென்றால் சரியான இடத்திற்கு தான் செல்வோம்


எதிர்கால பங்குசந்தை...

பலருக்கு பங்கு சந்தை பற்றிய அடிப்படை புரிதல் இருந்தாலும் சிலருக்கு F&O என அழைக்கப்படும் future and options பற்றிய புரிதல் இல்லை. அதை பற்றிய விளக்க பதிவு இது.

நடப்பு பங்கு சந்தை என்பது நீங்கள் ஒரே ஒரு பங்கை கூட வாங்கலாம். அதை cash அல்லது equity என அழைப்பார்கள். ஃபியூச்சர் என்பது எதிர்கால பங்குன்னு சொல்லலாம், ஏன்னா நடப்பு பங்குக்கும் எதிர்கால பங்குக்கும் விலை வித்தியாசம் இருக்கும்

எதிர்கால பங்குக்கு உதாரணமா யெஸ் பேங்கை எடுத்துகிறேன். அதில் என்ன ஒரு சிறப்புன்னா அவை காண்ட்ராக்ட் முறையில் ட்ரேட் ஆகும், மேலும் வேவ்வேறு பங்குகளுக்கு லாட் சைஸ் இருக்கும், யெஸ் பேங்க் லாட் சைஸ் 1750.

நடப்பு பங்கை நீங்க 1750 யெஸ் பேங்க் பங்குகள் வாங்கினால் இன்றைய நான் வாங்க சொன்ன விலையான 196க்கு 343000 பணம் செலுத்த வேண்டும். அதுவே எதிர்கால யெஸ் பேங்க் பங்குகளை வாங்க அதே அளவு பங்குகளுக்கு அதில் 15% ஆன 51450 ரூபாய் செலுத்தினால் போதும்

இதில் என்ன ரிஸ்க் இருக்குனா இன்று என் பரிதுரை படி யெஸ் பேங்கில் லாபம் 14000. அதாவது நீங்கள் முதலீடு செய்த 51450 ரூபாய் லாபம் அவ்வளவு. அதுவே மார்கெட் உல்டா ஆகி கீழே இறங்கினா அதே அளவு நட்டத்தையும் நீங்கள் எதிர்கொள்ள வேண்டி இருக்கும்(அதனால் பெரும்பாலோர் எக்ஸ்பெர்ட்கிட்ட ஐடியா வாங்குறாங்க)

யேஸ் பேங்க் என்பது உதாரணம் தான். அனைத்து பங்குகளுக்கும் எதிர்கால மார்கெட் இருக்கு. அதில் எவை நல்ல நிலையில் இருக்கு. அதன் மார்கெட் வேல்யூ, நம் கையிருப்பு பணம் மற்றும் நம்மால் எவ்வளவு இழப்பை தாங்க முடியும் என்பதை பார்த்து முதலீடு செய்ய வேண்டும்.



MCX என அழைக்கப்படும் கமாடிடி மார்க்கெட்டும் அப்படி தான், அதில் எதிர்கால சந்தை மட்டுமே உண்டு. அதில் ஒவ்வொரு ஸ்கிரிப்டுக்கும் மார்ஜின் வேறு படும், தங்கத்தில் 15% உங்கள் கையிருப்பு இருக்க வேண்டும், இன்றைய 24 கேரட் தங்கம் 10 கிராம் தங்கம் விலை 31800 என்றால் ஒரு கிலோ விலை 3180000. அதில் 15% 477000 உங்கள் கையிருப்பில் இருக்க வேண்டும்

இது பொது விதி, ட்ரேடிங் நிறுவனங்கள் உங்களுக்கு சலுகை கொடுக்கும், அதே 477000 பணத்துக்கு நீங்க 5 லாட் அதாவது 5 கிலோ வாங்கி கொள்ளலாம் என சலுகை கொடுக்கும், அப்படியானல் ஒரு லாட் அதாவது ஒரு கிலோ வாங்க அந்த தொகையில் ஐந்தில் ஒரு மடங்கான 95400 ரூபாய் இருந்தால் போதும்.

இதே சலுகை எதிர்கால பங்குகளுக்கும் உண்டு. இருந்தாலும் money management படி நம்மிடம் தேவையை விட கொஞ்சம் அதிகமாக வைத்துக்கொள்வது நட்டம் அடைவதை தடுக்கும். கமாடிடியில் நிறைய ஆப்சன் இருக்கு. 100 கிராம் கூட வாங்கலாம், 5 கிலோ சில்வர், ஒரு கிலோ சில்வர் கூட வாங்கலாம். நம்மிடம் இருக்கும் பணம், நம்மால் தாங்க முடியும் இழப்பை பொறுத்து நாம் முதலீடு செய்தால் போதும்



எப்போதும் மார்க்கெடில் ஜெயிக்கலாம்

போட்டோவில் இருப்பது இன்று நான் கொடுத்த பரிந்துரையில் சின்ன சாம்பிள்

சரணமா, சங்கராபரணமா.........

முன்னொரு காலத்தில் ஒரு குருகுலம் இருந்தது, அதில் பல மாணவர்கள் தங்கி படித்து வந்தனர். குரு தினமும் பாடம் எடுப்பார், இவ்வாறு நன்றாக போய்கொண்டிருந்த குருகுலத்தில் ஒரு நாள் ஒரு பூனை நுழைந்தது, அது மாணவர்கள் படிக்கும் பொழுது குறுக்கும் மறுக்குமா நடந்து மாணவர்கள் படிப்பவர்களுக்கு தொல்லை தந்தது.

அதனை கவனித்த குரு, அந்த பூனையை பிடித்து தூணில் கட்ட சொன்னார், மறுநாளும் பூனை வந்தது, குரு தூணில் கட்ட சொன்னார், இவ்வாறு குரு வரும் முன்னரே பூனையை பிடித்து தூணில் கட்டும் அளவுக்கு மாணவர்கள் பழகிபோயினர்,

ஒருநாள் அந்த குரு இறந்து விட்டார், புதிதாக ஒரு குரு வந்தார். பாடம் எடுக்கும் பொழுது தூணில் பூனை கட்டியிருப்பதை பார்த்து ஏன் அதை கட்டி வைத்துள்ளீர்கள் என வினவினார், முன்பு இருந்த குரு பாடம் நடத்தும் பொழுது இவ்வாறு பூனையை தூணில் கட்ட சொல்லியுள்ளார் என்றார்கள். ஒருவேளை இது எதாவது சடங்காக இருக்கும் என நினைத்த புதிய குரு, அப்படியே ஆகட்டும் என்றார், ஒருநாள் அந்த பூனையும் இறந்தது.

மறுநாள் புதிதாக ஒரு பூனை எங்கிருந்தோ பிடித்து வரப்பட்டு தூணில் கட்டப்பட்டது

எதற்காக இந்த கதை என்று உங்களுக்கு புரிந்திருக்கும்

ஏன் சபரிமலைக்கு பெண்கள் போகக்கூடாது என நீதிபதி கேட்டார், அது பழக்கத்தில் இல்லை என்று பதில் சொன்னார்கள். அப்ப பழகிகோங்கன்னு தீர்ப்பு சொல்லிட்டார்,

சமய சடங்குகள் எல்லாமே இதை ஏன் பண்றோம்னு தெரியாமலே செய்யப்படுபவை தான். இது எல்லா மதத்திற்கும் பொருந்தும். ஆனால் அந்த நம்பிக்கையை கேள்விக்குள்ளாக்கும் பொழுது, அந்த பிற்போக்குதனத்தை கட்டுடைக்கும் பொழுது. நம்பிக்கையாளர்கள் தங்களை நிர்வாணபடுத்தியதை போல் உணர்கிறார்கள், அதனால் தான் அவர்களால் நிதானமாக அதனை எதிர்கொள்ள முடியவில்லை



சபரிமலைக்கு செல்லும் பெண்களின் பின்புலத்தை ஆராயவேண்டிய தேவை பாஜகவுக்கு என்ன இருக்கிறது? நீங்கள் ஆராய்ந்து தான் அனுப்பீவீர்களானால் நீங்கள் தான் அய்யப்பனை காப்பாற்றுகிறீகளா? மேலும் பாஜகவினரின் அறிக்கைகளை புலி வருது கதை தான்

மெரினாவில் பொது மக்கள் போராடிய பொழுது காவல்துறை என்ன அட்டாகாசம் செய்தது என்பதை அறிவோம், ஆனால் பாஜகவோ காவல்துறை தன் கடமையை செய்தது என அறிக்கை விடுத்தனர், தூத்துகுடியில் 14 பேர் சுட்டுக்கொல்லப்பட்ட பொழுது போராட்டத்தில் சமூக விரோதிகள் ஊடுருவல் என்றனர், ஆனால் இன்றோ காவல் துறையின் அராஜகம் என்கிறார்கள்..

ஆணுக்கு மட்டும் என ஒரு கடவுள் இருக்குமானால் உலகில் ஆண்களை மட்டுமே படைத்திருக்க வேண்டியது தானே கடவுள். இதுக்கு ,மேல நாம என்ன தான் லாஜிக்கா பேசினாலும் நீ நாத்திகம், உனக்கு என்ன அக்கறை என்பார்கள்.

உங்கள் முகதிரையை கிழிக்க என்போல் ஆட்கள் வேண்டுமே சங்கீஸ்

பிரபஞ்ச தோற்றம் - பகுதி 2

பிரபஞ்ச தோற்றம் பற்றி பெருவெடிப்பு மற்றும் அதன் பின்னான விளைவுகள் ஒரு கட்டுரையில் எழுதியிருந்தேன், ஆனாலும் படைப்புவாத கொள்கையில் நம்பிக்கையுடைய மதவாதிகளின் அடுத்த கேள்வி இந்த சூரியகுடும்பத்தில் பூமியில் மட்டும் எப்படி உயிர் வாழும் தகவமைப்பு ஏற்பட்டது, அதிலிருந்தே இது கடவுளின் படைப்பு என தெரியவில்லையா எங்கிறார்கள். அதற்கும் பதில் சொல்ல வேண்டியது நம் கடமை.

விரிந்து கொண்டிருக்கும் இந்த பிரபஞ்சத்தில் அணு கூட்டமைப்புகள் உரசும் பொழுது இடத்தை சுருக்கி அதாவது அணுக்களை நெருக்கமாக்கி ஒன்றுடன் ஒன்றை இணைக்கிறது, அவ்வாறு பல கோடி மடங்கில் இணைந்த அணுக்கள் சூரியன். ஏற்கனவே எழுதியிருந்தேன், இந்த பிரபஞ்சத்தில் கோள்கள் இல்லாம சூரிய குடும்பத்தில் இரண்டு அல்லது மூன்று சூரியன்கள் இரு குழந்தைகளை கைகளை பிடித்துக்கொண்டு சுற்றி வருவது போல் நேர் எதிர் திசையில் சுற்றிகொண்டிருக்கும். ஒரு கட்டத்தில் அவைகளும் மோதிக்கொள்ளும். அவ்வாறு மோதும் பொழுது வெடித்து சிதறும் அணுகள் இருந்து உருவாவது தான் கோள்கள்.



அறிவியலால் நிரூபிக்கப்பட்ட உண்மை, நம் பூமியில் இருந்து எடுக்கப்பட்ட அரிய தாதுகள் சூரியனில் இருந்து வந்தவை தான் என்பது. வாயு கிரகங்கள் தவிர மற்ற கிரகங்களில் தங்கம் கிடைக்கவும் வாய்ப்புண்டு, சூரியனில் இருந்து தெரித்த அணுக்கள் ஒன்றினைந்து கோள்கள் ஆகும் பொழுது அது வட்ட வடிவம் பெற்று விடும், சூரியனை சுற்றுவதால் ஏற்படும் விசை அது. கோள்கள் உருவாக்கம் என்பதற்கு இன்னொரு உதாரணம் செவ்வாய் கிரகத்திற்கும் வியாழன் கிரகத்திற்கும் இடையில் உள்ள கைபர் பெல்ட் என அழைக்கப்படும் கற்கள் கூட்டம், செவ்வாயை போல் ஒரு கோளாக உருப்பெற வேண்டிய அணுக்கூட்டம் ஒரு பக்கம் சூரியனின் ஈர்ப்பாலும், எதிர்பக்கம் சூரிய குடும்பத்தின் பெரிய கோளான வியாழனின் ஈர்ப்பாலும் அலைகழிக்கப்பட்டு கோளாக உருவாகாமல் கற்களாக சூரியனை சுற்றி வருகிறது.



பூமியில் உயிர் உருவாக நமக்கும் சூரியனுக்கும் உள்ள தூரம் மட்டுமே காரணமா என்றால் இல்லை, தூரம் மட்டுமே காரணம் என்றால் இந்நேரம் சந்திரனில் உயிர்கள் இருக்க வேண்டும், பூமி உருவாக காரணம் என்ன? இந்த பிரபஞ்சம் உருவாக எப்படி ஒரு விபத்து காரணமாக இருந்ததோ அப்படியே இந்த பூமி உயிர் பெறவும் காரணம் ஒரு விபத்து தான். சுமார் 450 கோடி ஆண்டுகளுக்கு முன் கோள்கள் சேர்க்கை நடைபெற்று முடிவுறும் தருவாயில் அப்போதைய பூமியை ஒரு பெரிய விண்கல் தாக்கியது, அந்த தாக்குதலில் பிய்த்து எரியபட்ட பூமியின் குழந்தை தான் சந்திரன், இப்போதைய சந்திரனை அப்படியே பசிபிக் கடலின் நடுபகுதி ஆழத்தில் பொருத்திக்கொள்ளலாம்.



அவ்வாறு தாக்கப்பட்ட பூமியில் இருந்து பல ஆயிரம் மைல்கள் அளவுக்கு தூசி மண்டலம் பரவியது. மேலும் அம்மாதிரியான வேக தாக்குதல்களில் அணுகளில் மிண்ணுனு மாற்றம் உருவாகி புதிய புதிய தனிமங்கள் உருவானது. அது வரை பயங்கர வெப்பமாக இருந்த பூமி தன்னை சுற்றியிருந்த தூசி படலத்தால் குளிர தொடங்கியது, நேரடி சூரிய வெப்பம் அதன் மேல் படாதததும் ஒரு காரணம். தூசி படத்தில் ஹைட்ரஜன், ஆக்ஸிசன் மூலகூறுகள் இணைந்து வெப்பத்தால் மேகமாக காத்திருந்தது. பூமி குளிர்ந்தது, மேகம் நீராக மாறி மழையாக பூமியை மேலும் குளிர்வித்தது. பல நூறு/ஆயிரம் வருடங்கள் இந்த நிகழ்வு தொடர்ச்சியாக நடைபெற்றது. அதாவது சூரியனின் நேரடி பார்வையில் நீர் ஆவியாகி மேகமாதலும், மறுபக்கம் குளிர்த்து மழையாதலுமாக



இந்த பூமி உயிர் கிரகமாக மாற அந்த விபத்தே காரணம். யாரேனும் நீ எதாவது ஒரு கடவுளை நம்பியே ஆகவேண்டும் என்றால் நான் விபத்து தான் என் கடவுள் என்பேன். இந்த பிரபஞ்சம் உருவாக பெருவெடிப்பு ஏற்பட காரணம் ஒரு விபத்து, இந்த பூமி மற்ற கோள்கள் போல் அல்லாமல் உயிர் கிரகமாக மாற உதவியது ஒரு விபத்து, அணுக்கள் இருக்கும் உட்கருவான நியூட்ரான், தன்னை தானே பிரித்துக்கொள்ளும் நியூக்ளியஸ் அணுவாக மாற காரணம் ஒரு விபத்து. இதை ஏன் சம்பவம் என குறிப்பிடாமல் விபத்து என குறிப்பிடுகிறேன், சம்பவம் மறக்கப்படலாம், விபத்தை மறக்கக்கூடாது என்பதற்காக.....

பாலியல் குற்றங்கள்!..........

சமீபமா #metoo என்ற ஹேஷ்டாக் மூலம் பெண்கள் தாங்கள் அடைந்த பாலியல் தொல்லைகள் வெளிபடுத்தி வருகிறார்கள். இது பாலியல் குற்றங்கள் குறித்தான விரிவான கட்டுரை..

ஏற்கனவே சொன்னது தான். எதாவது ஒரு வகையில் பெண்களை கவருகிறதே எல்லா ஆண் உயிரினக்களும் இயற்கை அளித்த விதி, ஆனால் மனிதம் மற்ற விலங்குகளில் இருந்து நாகரிகம் அடைந்துவிட்டான். உளவியல், உடலியல் எல்லாம் கற்றுக்கொண்டான், ஆனாலும் பாலியல் குற்றங்கள் தொடர்கின்றன,

பெருவாரியான காரணமாக வாய்ப்புகளே பாலியல் குற்றங்களுக்கு காரணமாக இருக்கிறது. இறுதிசுற்று படத்தில் அந்த ட்ரெயின் காட்சி ஒரு உதாரணம் மட்டுமே, அதே போல் பரிட்சையில் பாஸ் ஆக, வேலை பெற என வாய்ப்புகள் வேண்டிய எல்லா பகுதிகளிம் ஆண் பாலியல் தொந்தரவு செய்கிறான்.



அடுத்ததாக ப்ளாக்மெயில், உதாரணத்திற்கு அண்ணியின் மாற்று உறவை காட்டி கொழந்தன் ப்ளாக் மெயில் செய்து தன் இச்சைக்கு அழைப்பது. அது போல் தவறுகளை காட்டி நீ இதை சொன்னால் நான் அதை சொல்வேன் என ப்ளாக்மெயில் செய்வது போன்றவன்றிலும் பாலியல் தொந்தரவு நடக்கிறது.

ஆப்ரிக்க வளராத நாடுகளில் குழந்தைகள் சிறுவயதில் கர்ப்பமாவது அதிகமாகியிருக்கிறது. இஸ்லாமிய நாடுகளில் குழந்தைகள் திருமணம் சகஜமாக நிகழ்கிறது. வளர்ந்த மேலை நாடுகளில் மட்டுமே குழந்தைகள் தனியாக தூங்கவைக்க படுகிறார்கள். இங்கே அண்ணன், மாமா, தாத்தா என நாம் நம்பி குழந்தைகளை தரும் ஆட்களால் பாலியல் தொந்தரவு நடக்கிறது.

சாதியம் விட்டு போகக்கூடாது, சொத்து சொந்தத்தில் தான் இருக்கனும் என பெற்றோர்களால் கட்டாயபடுத்தி திருமணம் செய்து வைப்பதும் ஒரு பாலியல் குற்றம் தான். அந்த பெண் பொம்மை தான் அந்த பாலியல் வாழ்கையை அனுபவிக்கிறாள். நான் ஒரு கவிதை எழுதியிருந்தேன்

ஆழ்கடலில் கட்டவிழ்ந்து
விடப்பட்ட உயிர்
தப்புதலுக்கு ஒப்பானது
ஒரு பிரியமில்லா
கலவியின் முடிவை
எதிர்நோக்கம்
ஆசுவாசம்

அந்த கவிதையில் பாலியல் குற்றத்தின் வலி உணரப்பட்டால் உங்களுக்கும் மனசாட்சி இருக்கிறது

உலகின் நேரடியான 56% பெண்களுக்கும் மேல் பாலியல் குற்றங்களுக்கு ஆளாகிறார்கள். வன்புணர்வையும் சேர்த்து. என்னை கேட்டால் இது 80% இருக்கும் என்பேன். இதை விட பெரிய அவலம் இந்த தொடர் தொல்லை தாங்கமுடியாமல் சிலர் தற்கொலை செய்துகொள்கிறார்கள். ஆனால் ஏன் பெரும்பாலனா குற்றங்கள் பதிவு செய்யப்படவில்லை?



ஒரு சிலர் நான் கொடுத்த விலைக்கு பலன் கிடைத்துவிட்டதாக தன்னை தானே சமாதானம் செய்துகொள்கிறார்கள், அதனால் அவர்களுக்கு குற்ற உணர்ச்சி ஏற்படுவதில்லை.

பலர் சமூகம் நம்மை தப்பாக பார்க்கும் என குற்ற உணர்வை தனக்குள் புதைக்கிறார்கள். இதனால் அவர்களுக்கு மன அழுத்தம் அதிகமாகிக்கொண்டே இருக்கிறது, பின்னாளில் அந்த பெண்ணுக்கு மனநோய் சிகிச்சை எடுக்கும் அளவுக்கு கூட போகலாம்.

ஒருகாலத்தில் தாய்வழி சமூகமாக வாழ்ந்த மனித இனம், சாதி, மதம், கலாச்சாரம் என்ற பெயரில் பெண்களை பூட்டி வைத்தது பெரிய காரணம். சமூகத்துக்கு செக்ஸ் கல்வி அவசியம், பெண்களுக்கு ஒழுக்கம் சொல்லி கொடுப்பதை விட ஆண்களுக்கு ஒழுக்கம் சொல்லி கொடுப்பதே சரியான சமூகம்

மொத்த உலகிலும் பெண்களை விட ஆண்களுக்கே செக்ஸ் புரிதல் குறைவாக உள்ளது. ஆண்கள் தங்களை துணையிடம் உறவுக்கு அனுமதி கேட்கலாம். வற்புறுத்தக்கூடாது. செக்ஸ் என்பது win-win method முறை, அதாவது நீங்கள் ஜெயிக்கனும், நானும் ஜெயிக்கனும். உன்னை சந்தோசபடுத்தி நான் பார்க்கனும் என்பது. ஒருவர் மட்டுமே சந்தோசம் அடைவது உண்மையில் செக்ஸ்க்கு தோல்வியே.

பாலியல் கல்வியை குழந்தைகள் அம்மனாக திரியும் போது கற்றுக்கொள்கிறார்கள். ஆனால் முழுமையான புரிதல் இல்லை என்பதே இங்கே பிரச்சனை. பிற உயிர்களை மதிக்கனும், பிறர் மனதை காயபடுத்தாமல் வாழும் அடிப்படை நேர்மை இருந்தாலே போதும், பாலியல் குற்றங்கள் மறைய தொடங்கும்

மீண்டும் சின்மயி

அடிக்கிற அடியில் தாரை தப்பட்டைகள் கிழியட்டும் என்ற சினிமா டயலாக் டுவிட் தான். சின்மயி ராஜன் மீது செக்ஸுவல் அபூஸ் புகார் கொடுக்க காரணம். சின்மயி சும்மா இருந்திருந்தாலும் ராஜனின் அரசியலுக்கு எதிர்நிலைப்பாடு கொண்டவர்கள் சின்மயியை தூண்டு விட்டார்கள் என்பதும் உண்மை, அதில் பெரும்பாலும் இருந்தது பார்பனர்கள் தான்.

அதே போல் வைரமுத்துவின் எதாவது பேச்சோ, சைகையோ சின்மயிக்கு தவறாக தெரிந்திருக்கலாம் என்றாலும் முற்றிலுமாக மறுக்க முடியுமா என்றால் யோசிக்க வேண்டிய விசயமாக தான் தெரிகிறது, புகழ் போதையில் இருப்பவர்கள் வெகு சுலபமாக எதிர்பாலினர் தன் வலையில் விழுந்து விடுவார்கள் என்ற நம்பிக்கை பலருக்கு இருக்கத்தான் செய்கிறது



இருவர் மனமுவந்து கொள்ளும் உறவு தவறில்லை என்பது என் நிலைபாடு. சாரு நிவேதிதா செய்தது போல் சும்மா பேசிய பெண்ணிடம் உனக்கு வெட் ஆகலையான்னு கேட்டது தான் உண்மையான செக்ஸுவல் அபூஸ். இதை ஏன் சொல்கிறேன் என்றால் ஒருவேளை சின்மயின் செய்கைகள் கூட வைரமுத்துவுக்கு கிரீன் சிக்னலாக தெரிந்திருக்கலாம்

ஆதியில் உணவுக்கும், பெண்ணுக்கும் தான் பெறும் போட்டியாக இருந்தது. நாடு பிடிக்க நடந்த சண்டையில் கூட எதிரி நாட்டு ராணியை அபகரிப்பது, தோற்ற நாட்டு பெண்களை அடிமைகளாக தூக்கி சென்றது பெருமையாக பார்க்கப்பட்டது.



பெண்கள் விசயத்தில் அந்த காட்டுமிராண்டிதனம் முற்றிலுமாக விலகி இருக்கும் என நான் கருதவில்லை. சமூக பார்வைக்காக, நம் மேல் நமக்கு இருக்கு இமேஜை தக்கவைக்க ஆண்கள் வேசம் போடலாமே தவிர. உளவியல், உடலியல் விசயத்தில் பெண் மீது ஆண் ஈர்ப்பு கொள்வது தவிர்க்கமுடியாமல் இருக்கிறது.

விரும்பமில்லாத பெண்ணை தொடக்கூடாது
இதுதான் நான் சொல்ல வந்தது

மறுபிறப்பு (கேள்வி-பதில்)

கேள்வி: Venkatesh Sankarapandian
//மறுபிறவியை பற்றி உங்களுடைய கருத்து.......?//

பதில்:
ஒரு குழந்தையிடம் பிறப்பு, இறப்பு, சொர்க்கம், நரகம், கடவுள், மறுபிறப்பு பற்றி எதுவும் சொல்லாமல் வளர்த்தால் அந்த குழந்தைக்கு எதுவுமே தெரியாது.

மனிதம் மட்டுமல்ல எல்லா உயிர்களுக்குமே தன் உயிரை காத்துக்கொள்வது தன்னிச்சையான உந்துதல். அனிச்சை செயல் மாதிரி. உயிரை காத்துகொள்வதில் பிற உயிர்களை விட மனிதன் அதிகமாகவே போராடினான் என்பதற்கு சான்றே பரிணாமத்தில் அவன் உச்சாணி கொம்பில் இருப்பது தான்

இறந்த பிறகு என்ற கேள்விக்கு இன்று வரை அறிவியல் பூர்வமான பதில் இல்லை, ஆனால் ஆதியில் அறிவியல் வளர்ச்சியடையாத மனிதன் கனவில் வந்த இறந்த மனிதர்களை வேறு எங்கேயோ வாழ்வதாக நம்பினான், இந்த பூமியில் இறந்தாலும் அவர்கள் வேறு எங்கேயோ வாழக்கூடும் என்பது ஒரு வித ஆறுதல் அளித்தது அவனுக்கு



மரணத்தை பற்றிய பயமே எல்லாவற்றிகும் தொடக்கமாக இருந்தது, கடவுள், மதம், சொர்க்கம், நரகம் இப்படி எல்லாமே, அந்த மரண பயத்தை தற்காலிகமாக தள்ளி போட மறுபிறவி நம்பிக்கையும் தேவைப்பட்டது.

இந்து மதம் மற்றும் பெளத்தின் ஹீனயானம் பிரிவில் மறுபிறவி நம்பிக்கை உண்டு, ஆப்ரஹாம மதங்களில் இறுதி தீர்ப்பு நாள் வரை இறந்தவர்கள் காத்திருக்கவேண்டும் என்ற நம்பிக்கை உண்டு. ஆனால் இவை அனைத்தும் புத்தகமாக உள்ளதே தவிர உண்மை என நிரூபிக்க எந்த சான்றும் இல்லை.

சிலர் தீடீரென்று வேறு ஒருவர் போல் பேசுவது. இறந்த மனிதர் போல் பேசுவது வரலாற்றில் பதியப்பட்டுள்ளது, அவை அனைத்தும் மல்டிபுள் பர்சனாலடி டிஸ்சாடர் வகையறா தான்.

மறுபிறவியும் கடவுள் போல் ஒரு நம்பிக்கை மட்டுமே, அடுத்த பிறவில் அப்படி பிறக்கனும், இப்படி பிறக்கனும்னு பரிகாரம் செய்யும் பொழுது அது மூடநம்பிக்கையாகிறது.

இருப்பதே ஒரே வாழ்க்கை, அந்த வாழ்க்கையை மனிதத்திற்கும் பயனுள்ளதாக வாழ்வதே சிறப்பு, நீங்கள் இந்த மண்ணில் பிறந்ததற்கான சான்றாக உங்கள் சுவடை பதிய விட்டு செல்வதே உங்கள் பிறப்பின் அர்த்தம்

சூரியன் சுருங்குமா? (கேள்வி-பதில்)

கேள்வி:
Saravana Kumar சூரியன் அளவு சுருங்குமா ?

பதில்:
சூரியன் ஹைட்ரஜன் மற்றும் ஹீலியம் மூலகூறுகளால் ஆனது.(இதை கண்டுபிடித்தது ஒரு பெண் விஞ்ஞானி) ஹீலியம் எரிந்து ஹைட்ரஜனாகவும், ஹைட்ரஜன் எரிந்து ஹீலியமாகவும் மாறி மாறி பல கோடி வருடங்களாக எரிந்துக்கொண்டிருக்கிறது. நம் சூரிய குடும்பத்தின் மொத்த நிறையை எடுத்துக்கொண்டால் அதில் 99% சூரியன் மட்டுமே, மீதி 1% மட்டுமே மற்ற கோள்களும், அதன் துணைகோள்களும்.

சூரியனில் இருக்கும் ஹைட்ரஜனும், ஹீலியமும் எரிய எரிய இன்னும் சில லட்சம் வருடங்களில் சூரியன் விரிய தொடங்கும், நீங்கள் கேட்ட கேள்விக்கு உல்டாவா இருக்கா, இருங்க வர்றேன், அப்படி விரிய தொடங்குதல் என்பதை அதன் மைய ஈர்ப்பை கொஞ்சம் கொஞ்சமாக இழக்கும் அல்லது குறைத்துக்கொள்ளும் என சொல்லலம.

அவ்வாறு விரியும் பொழுது சூரியனுக்கு அருகில் இருக்கும் புதன், வெள்ளி மற்றும் பூமி கூட அதன் ஈர்ப்பில் இழுபட்டு சூரியனுக்குள் விழுந்து மறைந்து விடும். விஞ்ஞானிகளின் கருதுகோள் படி சூரிய குடும்பத்தில் இருக்கும் எல்லா கோள்களும் ரெட் ஜெயிண்ட்(red giant) என அழைக்கப்படும் அந்த பெரிய சூரியனில் விழுந்து விடும்.



பின்பு அந்த சூரியன் சுருங்கதொடங்கும், அதை எவ்வாறு அர்த்தப்படித்தக்கொள்ள வேண்டும் என்றால் ஒரு பெரிய மலையை அமுக்கி அமுக்கி சுருக்கி ஒரு கால்பந்து அளவு கொண்டு வருவது, அப்பொழுது உருவம் தான் கால் பந்து அளவு, ஆனால் அதன் நிறை அப்படியே அந்த பெரிய மலையின் அளவு அதை ஒயிட் ட்வார்ஃப்(white dwarf) என அழைப்பார்கள். தமிழில் வெள்ளை குள்ளன். அதில் இருந்து ஒரு டீஸ்பூன் அளவு சூரியனை எடுத்தால் அது ஒரு பூமியின் எடை இருக்கும்



அவ்வாறு சுருக்குவதற்கு என்ன லாஜிக்?

ஒரு கிலோ தங்கத்தின் அளவு பார்த்ததுண்டா? ஒரு பிஸ்கட் அளவு தான் இருக்கும், அதுவே ஒரு கிலோ இரும்பின் அளவு உங்களுக்கு தெரியும், இரண்டுக்கும் உள்ள வித்தியாசம் அதிலுள்ள மூலகூறூகளின் நெருக்க கட்டமைப்பு,

அவ்வாறு நெருக்கக்கப்பட்ட மூலகூறு ஒரு கட்டத்தில் மீண்டும் வெடிக்கும், அதன் பெயர் நெபுலா(nebula). இரண்டு சூரிய குடும்பத்தின் அளவு இருக்கும் நெபுலா மீண்டும் மூலகூறு கட்டமைப்பால் இணைந்து மீண்டும் ஒரு சூரிய குடும்பத்தை உருவாக்கும், அந்த சுழற்சிக்கு ஒவ்வ்ரு சூரிய குடும்பமும் பல லட்சம் வருடங்கள் எடுத்துக்கொள்ளும்.



கேள்விக்கு நன்றி. இன்னும் நிறைய கேளுங்க. இதில் சந்தேகம் இருந்தாலும், என் கட்டுரைகள் அனைவரும் படிக்க முடிந்த அளவு எளிமையாக இருக்க வேண்டும் என்பதே என் விருப்பம்

புதிய ஆப்பு - உதய் மின் திட்டம்

தமிழ்நாட்டின் கடனில் பெரும்பகுதி மின்சார வாரியத்தால் உண்டானது.
காரணம் ஊழல் மட்டுமே
தமிழகத்தில் நிறுவப்பட்டுள்ள காற்றலையில் இருந்து அவர்கள் மின்சாரம் தர சம்மதித்த பொழுதும் அதை வாங்காமல் தனியாரில் மின்சாரம் வாங்கிய இவ்வளவு பெரிய கடன் சுமைக்கு காரணம்

மேலும் தரமற்ற நிலகரியை அதிக விலை கொடுத்து வாங்கியது, டிஜிட்டல் மீட்டர் வாங்கியதில் ஊழல். மத்திய அரசு பழைய தெரு விளக்குகளுக்கு மாற்றாக புதிய எல்.ஈ.டி பல்புகள் குறைந்த விலைக்கு தருகிறேன் என்று சொன்னபொழுதும் அதை வாங்காமல் தனியாரிடம் வாங்கியதில் ஊழல், மீண்டும் தனியாரிடம் நிலகரி வாங்க அனுமதி கேட்பது என ஊழலை தவிர வேறென்றும் அறியோம் பராபரமே என வாழ்த்து கொண்டிக்கிறது தமிழக அரசு



அந்த ஊழலில் ஏற்பட்ட நட்டங்களை குறைக்க ஏற்கனவே மின் கட்டணத்தை உயர்த்தி தமிழக மக்கள் மேல் பாரத்தை வைத்தது மாநில அரசு, இப்பொழுது மீண்டும் பெரிய ஆப்பு ஒன்று காத்திருக்கிறது

புதிதாக மத்திய அரசு கொண்டு வந்துள்ள உதய் மின் திட்டத்தின் மூலம் இனிமே தமிழக மக்கள் மூன்று மாதத்திற்கு ஒரு முறை மின் கட்டணம் செலுத்தும் முறைக்கு மாற்ற இருப்பதாக செய்திகள் வந்துள்ளது.

முதல் 100 யூனிட் இலவசம் என்றால் அடுத்து ஓடும் ஒவ்வொரு 100 யூனிட்டுக்கும் நான் செலுத்தும்  தொகை முன்பை விட அதிகம்.உதாரணத்திற்கு நீங்கள் ஒரு மாசத்திற்கு 200 ம் குறைவாக பயன்படுத்தினால் அதிகபட்ச தொகை 170 அதுவே 210 யூனிட் என்றால் 260 ரூபாய். சராசரியாக இரண்டு மாதத்திற்கு 250 பயன்படுத்தினால் 380 ரூபாய் நீங்கள் கட்டவேண்டும், அதுவே மூன்று மாதத்திற்கு என்றால் 350 யூனி என வைத்துகொண்டாலும் நீங்கள் கட்ட வேண்டிய தொகை 680 ரூபாய்



ஒரு மாதம் நீங்கள் பயன்படுத்திய 100 யூனிட் மின்சாரத்திற்கு நீங்கள் செலுத்தவேண்டிய அதிக தொகை 300 ரூபாய். அதிமுக அரசும் சரி, மத்தியில் ஆட்சி செய்யும் பாஜகவும் சரி, மக்கள் நலம் என்றால் கிலோ என்ன விலை என கேட்கும் செயல்கள் தான் இதுவரை செய்துள்ளனர்., தானும் பாதிக்கப்படுகிறோம் என்பதை அறியாமலெயே மக்கள் மீண்டும் ஒருமுறை இம்மாதிரியான ஊழல் அரசுக்கு வாக்கு அளிப்பது நான் தற்கொலை செய்வதோட மட்டுமல்லாமல் பிறரையும் கொலை செய்வதற்கு சமம்

வர்த்தகம் கற்கலாம் வாங்க.....

வாரன்ஃபப்படிடம் ஒரு பேட்டியில் நிருபர் கேட்டார்
அதிகம் படிக்கவில்லை, யாரையும் பின்பற்றவில்லை ஆனாலும் உலகின் இரண்டாவது பணக்காரராக இருக்கிறீர்கள், ஏன் மற்றவர்களால் அது முடியவில்லை என்று

அதற்கு வாரன் பதில் சொன்னார்
அவர்களுக்கு என் போல் மெதுவாக பணக்காரன் ஆகும் பொறுமை இல்லை என்று

இந்த சம்பவத்தை புதிதாக பங்குவணிகத்தில் நுழைபவர்களுக்கும், ஏற்கனவே இருப்பவர்களும் முக்கியமான பங்கு சந்தை என்றால் சூதாட்டம் என்பதவர்களுக்கும் அடிக்கடி சொல்வேன்.

முதலீடு என்பது விதை போல, அதை இன்று விதைத்து நாளையே பலன் எதிர்பார்ப்பது, எதும் இல்லையென்றால் அதை தோண்டி பார்ப்பது போன்றவை விதையை நாசமாக்குமே தவிர ஒருபொழுதும் பலனை தராது.

ஆனாலும் பங்கு சந்தையில் தினம் சம்பாரிப்பவர்கள் இருக்கிறார்களே அது எப்படி?

பங்கு வணிகம் என்றால், ஒரு நிறுவனத்தின் முதலீட்டில் நீங்களும் பங்கு பெறுகிறீர்கள் என்று அர்த்தம். நியாயமாக 3 மாசத்துக்கு ஒரு முறை நிறுவனம் கணக்கு தணிக்கை செய்து லாபநட்ட கணக்கு பார்க்கும் போது வரும் லாபத்தில் உங்களுக்கு பங்கு தரவேண்டும்

அதுவே இப்படி யோசித்து பாருங்கள், உங்களிடம் அந்த நிறுவனத்தின் பங்குகள் இருக்கின்றன, அந்த நிறுவனம் வளர்ச்சி அடைந்து நல்ல லாபம் தரும் என நம்பும் ஒருவர் நீங்கள் சொல்லும் விலைக்கு அந்த பங்கை வாங்கிக்கொள்ள தயாராய் இருக்கீறார், நிறுவனத்தின் வெளியே உங்கள் வரவு செலவு முடிகிறது, அதை தான் ஆன்லைன் பங்கு வர்த்தகம் என அழைக்கிறோம்.

இங்கே நீங்கள் கிடைக்கும் விலைக்கு ஒருவர் வாங்கி கொள்ள தயாராய் இருந்தால் பங்குகளை விற்று லாபம் பார்க்கிறீர்கள், அல்லது கேட்கும் விலைக்கு கொடுத்து நட்டத்தை ஏற்றுக்கொள்கிறீகள், இதிலே நீங்கள் எடுக்கும் ரிஸ்க் தான் உங்கள் லாப நட்டம், என் போன்ற சந்தையை கவனிப்பவர்கள், சந்தையை கணிக்கிறோம், எந்த பங்கின் விலைக்கு நல்ல வரவேற்பு உள்ளது, எதை வாங்கலாம் எதை விற்கலாம் என முன்கூட்டியே கணிப்பதை என் வேலையாக செய்கிறோம்

அப்படி கணிப்பதில் சில நேரம் சறுக்கலாம். சந்தையை பொறூத்தவரை ஒரு நிறுவனத்தின் பங்கு விலை உயர பல காரணிகள் உள்ளன, அந்த நிறூவனம் புதிதாக பெரிய டெண்டர் எடுத்திருக்கலாம், அரசு சலுகை பெறலாம், நிறுவனம் பயன்படுத்தும் கச்சா பொருளின் விலை சரியலாம் போன்றவை, அதுவே உல்டாவாக நடந்தால் நம் கணிப்பு தவறாக முடியும்

அதனால் தான் எப்போதும் வர்த்தகத்தை நட்டதடுப்போடு செய்ய வேண்டுகிறோம் அதனை ஆங்கிலத்தில் ஸ்டாப்லாஸ் என அழைப்பார்கள்

பங்கு வணிகத்தில் உங்களுக்கு இருக்கும் சந்தேகங்களை இங்கே கேட்கலாம், சந்தை நிலவரம் மற்றும் பரிந்துரைகளை அறிய 9364151621 என்ற வாட்ஸ் அப் எண்ணில் இணையலாம்


விக்கல்கள்..........

என்றேனும்
நிராகரிக்கப்படுவோம்
என தெரிந்தே
கொண்டாட
அனுமதிக்கின்றன
பூக்கள்.....


*************************

உன் வெற்றியின் பரிசாக
நீ அளித்த தோல்வியை
கொண்டாடிக்கொண்டிருக்கிறேன்..


************************

விக்குமோதெல்லாம்
உன் நினைவு.........


***************************

குடுவையை உடைத்த
குழந்தைக்கோ
அது விளையாட்டுப்பொருள்
குயவனுக்கோ
அது வாழ்க்கை.....



*************

பெரும் கதவையும்
கொடும் சிறையையும்
தகர்தெறியலாம்
நினைவுகளை தவிர.......

*************************

அடித்த
அம்மாவையே
சுற்றி வரும்
குழந்தையை
நினைவூட்டுகிறது
அந்நேசத்தில்
மிச்சருக்கும்
எச்சம்...........


***********************

வாழ
வேண்டியதற்கான
நிர்பந்தத்தை
வாழ்ந்து முடிந்த
தருணங்கள்
நினைவூட்டிக்கொண்டே
இருக்கிறது.......


************************

பூட்டிய கதவையே
வெறித்துக்கொண்டிருப்பது
அழைக்கமாட்டாயா
என்ற நம்பாசையும்
பத்திரமா இருக்கிறாய்
என்ற திருப்தியும் தான்....



இந்தியாவின் வீழ்ச்சிக்கு காரணம் பார்ட் 1

இந்தியாவில் 130 கோடி மக்கள் இருக்காங்கன்னு வச்சுகுவோம். அதில் 13 லட்சம் பேர் டாப் பணக்காரர்கள். 13 கோடி பேர் அப்பர் மிடில் பணக்காரர்கள், அப்புறம் முடில்கிளாஸ், என்னை போல் சொந்த வீடில்லாத லோயர் மிடில் கிலாஸ். லோ கிளாஸ்(பொருளாதாரத்தை சொல்றேன்)

இப்ப எனக்கு 10000 சம்பளமா கையில் வருதுன்னு வையுங்க, வீட்டுக்கு போகும் போது ஒரு குவாட்டர் அடிச்சிட்டு, ஒரு கோழி பிரியாணி சாப்பிட்டு, குழந்தைகளுக்கு பார்சல் வாங்கிட்டு அப்படியே தள்ளுவண்டி கடையில் பழங்கள் வாங்கிட்டு வீட்டுக்கு போவேன்.

அந்த பணம் என் கையில் இல்லாமல் என் டெபிட் கார்டில் இருந்தால். நான் ஏடிஎம் போகனும், அதுக்கும் மாசம் மூணு நாள் மட்டுமே நாப்கின் வைக்கனும், அதுல எல்லா நாளும் பணம் இருக்கும்னு சொல்ல முடியாது, ஆக வேற இல்லாம நான் ஏசி பாருக்கு போகனும், அங்க ஒரு லார்ஜ் ஒரு குவாட்டர் விலை. ஒரு குவாட்டருக்கு மூணு குவாட்டர் விலை கொடுக்கனும்,

அப்புறம் சாப்பாடு, வீட்டுக்கு பார்சல். போற வழியில் பழமுதிர்சோலையில் பழங்கள். இல்லைனா குழந்தைகளுக்கு பழங்கள் கட்டு. இதுல பார்த்திங்கனா சார். சும்மா 500 ரூபாவில் முடியவேண்டிய என்னோட செலவு என் சம்பளத்தில் 20% முழுங்கிவிடும்,



என் கையில் பணமாக இருந்தால், ரோட்டு கடையில்  பூ வாங்குவேன். குழந்தைகளுக்கு பழங்கள் வாங்குவேன். அண்ணாச்சி கடையில் வீட்டுக்கு மளிகை வாங்குவேன், மாசகடைசியில் கடனும் வாங்குவேன் கார்டா இருந்தா நான் ஷாப்பிங் மால் போகனும் அங்கே MRP இருக்கும் பொருள்களுக்கு 50 பைசா விலை குறைச்சிட்டு விலை குறிப்பிடாத மளிகை பொருட்கள் வச்சு ஊனுவான், நல்லா செக் பண்ணி பாருங்க, மளீகை கடையில் விற்கும் பருப்பு விலையை விட ஷாப்பிங் மாலில் 20 ரூபாய் அதிகம் இருக்கும்

இதெல்லாம் தெரிந்தும் நான் வேற வழி இல்லாமல் பணமாக கையில் இல்லாததால் ஷாப்பிங்மாலில் செலவு பண்ணனும், ஹோட்டலில் வரி கட்டனும், வரி கட்ற நல்ல விசயம் தான், ஆனால் என் வருமானத்துக்கு அது எவ்வளவு அதிகம். அதுவே ரோட்டு கடையில் வாங்கினால், அந்த பணம் இந்தியாவில் மீதி 90% மிடில், லோயர் மக்களிடம் புழங்கும், பணபுழக்கம் இருந்தால் தான், மக்களிடம் வாங்கும் திறன் அதிகரிக்கும்.

ஒரு வடைகடைகாரர் ஒரு நாளைக்கு 1000 ரூபாய்க்கு விற்றால் 700 முதலீடு போக 300 லாபம் பார்பார். அவரின் விற்பனை குறையும் போது அவரால் அன்றாடம் செலவை குறைக்கக்கூடாது, அவர் முதலில் இருந்து பணம் எடுக்கனும், வடைகடை ஒரு உதாரணம் தான், அந்த முதல் என்பதை இன்னும் புரியும் படி சொல்லனும்னா விதை நெல் என்பார்கள், அந்த விதை நெல் தாய்க்கு சமம், அதை விற்று சாப்பிடும் நிலை ஒரு விவசாயிக்கு வந்தால் அந்த நாடு நாசமாய் போக போகிறது என்று அர்த்தம்

இந்தியாவின் வீழ்ச்சிக்கு காரணம் பார்ட் 1

விலைவாசி கட்டுக்குள் உள்ளதா?...

இந்தியா பொருளாதாரத்தில் வீழ்ச்சியடையவில்லை. விலைவாசி கட்டுக்குள் உள்ளது, இதுதான் பாஜக ஆதரவாளர்களின் வாதம்
பெட்ரோல் விலை எவ்வளவு ஏறினாலும் 100 ரூபாய்க்கு பெட்ரோல் போடுன்னு தினம் போய் பெட்ரோல் பங்க் நிற்கும் சாமான்யர்களுக்கு அவர்கள் சொல்வது சரியா தான் இருக்கும் போலன்னு தோன்றும்,

ஆனால் உண்மை அதுவா?

லேஸ் பாக்கெட் தெரியுமா? நாலு உருளைகிழக்கு சிப்ஸை இலவசா கொடுத்து காற்றை விற்பார்களே அப்படி தான் இதுவும்,

பெட்ரோல் விலை 65 ரூபாய் இருந்தபொழுது நீங்கள் 100 ரூபாய்க்கு பெட்ரோல் அடித்தால் உங்களுக்கு 1.54 லிட்டர் அதாவது ஒண்ணரை லிட்டர் பெட்ரோல் கிடைக்கும், அதுவே லிட்டர் விலை 85 ரூபாயாக இருக்கும் பொழுது நீங்கள் 100 ரூபாய்க்கு அடித்தால் உங்களுக்கு 1.18 லிட்டர் மட்டுமே கிடைக்கும், அதாவது ஒண்ணேகால் லிட்டருக்கும் கீழே., சரி இதுக்கும் விலைவாசி கட்டுக்குள் இருப்பதற்கும் என்ன சம்பந்தம்?

நீங்கள் ஒரு நடுதர குடும்பம், வாரம் ஒன்றுக்கு 10 ரூபாய்க்கு பற்பசை வாங்கி பயன்படுத்துபவர். அதில் 50 கிராம் இருக்கும் என வைத்துகொள்வோம், இப்போதும் அதே அளவு இருக்கும் என நினைக்கிறீர்களா? அது தான் இல்லை, அது எப்பவோ 40 கிராம் ஆகிவிட்டது, அதே போல் சோம்பு, ஷாம்பு என பாக்கெட்டில் அடைக்கப்படும் அனைத்து பொருள்களும் மறைமுகமாக எடை குறைக்கப்பட்டு அதே விலைக்கு விற்கப்படுகிறது, விலையில் மாற்றமில்லை என்பதால் உங்களுக்கும் எதுவும் தெரியவதில்லை, ஆனால் நீங்கள் ஒரு மாசத்துக்கு குடும்பத்திற்கு 5000 செலவு செய்வீர்கள் என்றால் தற்பொழுது உங்களை அறியாமலே 1000 ரூபாய் அதிகமாக செலவு செய்துக்கொண்டிருக்கிறீர்கள்.



பொருள்களின் விலை ஏற்றம் சப்ளை அண்ட் டிமாண்ட் அடிப்படையில் முன்பு விலை ஏற்ற இறக்கம் கண்டது, அதாவது சப்ளை அதிகமாக இருந்தால் பொருள் விலை குறையும், அதே நேரம் டிமாண்ட் அதிகமாக இருந்தால் பொருள் விலை ஏறும், ஆனால் சமீபகாலமாக எல்லா பொருள்கள் விலையும் செயற்கையாக ஏற்றப்பட்டு கொண்டுக்கிறது. அரசு சொல்லும் எந்த முகாந்திரமும் இல்லாத காரணங்களை பெரும்பாலான மக்கள் நம்பிக்கொண்டுயிருக்கிறனர்.

இந்திய பணமதிப்பு வீழ்ச்சி அடைவதால் ஏற்றுமதியாளர்களுக்கு நல்ல லாபம், ஆனால் நாம் இறக்குமதி செய்யும் பொருள்களுக்கு பெரும் நட்டம் அடைக்கிறியோமே,அதை ஏன் நாம் கவனிப்பதில்லை? இந்தியா தன்னிறைவு அடைந்த நாடாக இருந்தால் ஏற்றுமதி மட்டுமே இருக்க வேண்டும், ஆனால் விவசாய நாடாக அறியபடும் இந்தியாவிற்கு பல கோடி ரூபாய்களுக்கு விவசாய பொருள்கள் இறக்குமதி செய்யப்படுவது தெரியுமா?

இதற்கு என்ன தான் காரணம்?

அரசின் தவறான கொள்கையே முழு காரணம்,
இதற்கு தீர்வு தான் என்ன?
வாருங்கள் அலசுவோம்...

சாபம் பலிக்குமா?

கேள்வி:
கருநாக்கின் வாக்கு/சாபம் பலிக்குமா?

பதில்:
எனக்கு தெரிந்த பெரியவர் ஒருத்தர் சொல்லுவார், நான் சொன்னா மழை வரும் தெரியுமான்னு, அதை என் போன்ல இருக்கும் அப்ளிகேசனே சொல்லுமேன்னு நான் சொல்லுவேன்

ஒரு படத்தில் சந்தானம் ஒரு ஹோட்டலில் வேலை செய்வார், சந்தானம் எதாவது தப்பு செய்யும் போது ஹோட்டல் முதலாளி வேலைய விட்டு போன்னு சொல்லுவார், தான் கருநாக்கு சொன்னால் பலிக்கும் மிரட்டியே சந்தானம் வேலையில் இருப்பார்

இப்படி சினிமாவையும், புத்தகத்தில் படித்தும் தான் மக்கள் மூடநம்பிக்கையை வளர்ந்து கொண்டு இருக்கிறார்கள், சீமான் கூட ஒருமுறை முப்பான் முருகன் தான் தமிழனத்தின் முதல் போராளி என்றார், எப்படி சொல்றிங்கன்னு கேட்டதுக்கு திருவிளையாடல் படம் பார்க்கலையான்னு கேட்டாரு, நான்ல்லாம் இப்ப நினைச்சாலும் சிரிச்சிகிட்டு இருக்கேன்



சாபம் பற்றி

உங்களை யாராவது திட்டினால் நீங்கள் எதும் தவறு செய்யவில்லை என்றால் உங்களுக்கு கோவம் வரும், தவறு செய்திருப்பின் அமைதியாக இருப்பீர்கள். அது ஒரு எதிர்வினை.

உங்கள் முகத்துக்கு நேராக ஒருவர் சாபம் விடும் பொழுது, அவருக்கு நான் எதும் தீங்கிழைத்து விட்டமோ, நம்மால் அவர் பெரும் இழப்பை சந்திப்பு விட்டாரோ என உங்களுக்கு குற்ற உணர்வு வந்தால் அது மன உளைச்சலை உண்டாக்கும், மன உழைச்சல் உங்களை எந்த வேலையும் செய்ய விடாது, எல்லார் மீதும் எரிந்து விழுவீர்கள், உங்களுக்கு நீங்களே கொடுத்து கொள்ளும் தண்டனையே சாபத்தின் பலனாக நீங்களே உணர்வீர்கள்.

உங்க மனசாட்சிபடி நீங்கள் எந்த தவறும் செய்யவில்லை, வேலையந்த வெட்டிபய எதோ சாபம் விட்டு போறான்னு நகர்ந்து சென்றால் அது உங்களை எந்த பாதிப்பும் ஏற்படுத்தாது.

யாரும் சாபம் விடனும்னு அவசியமில்லை, குற்ற உணர்வே சாபம் தான், அதனால் முடிந்த வரை உங்கள் மனசாட்சிக்கு துரோகம் செய்யாமல் இருங்கள். அதுவே நிறைவான வாழ்க்கை

தமிழகத்தில் பாஜகவின் நுழைவு...

சங்கிகள் விநாயகசதுர்த்தி மூலமா தான் தமிழகத்தில் கால் ஊன்றபார்க்குறாங்கன்னு பரவலா ஒரு கருத்து இருக்கு, ஆனா அவங்க 80களில் இருந்தே பல வகைகளில் முயற்சி பண்ணிட்டு தான் இருக்காங்க.

இந்த விசயத்தில் காங்கிரஸ் கட்சியை குறைஞ்சு எடை போடாதிங்க, பாஜகவில் ஆமா நான் சங்கி தான்னு சொல்லிட்டே எல்லாத்தையும் பண்ணுவானுங்க, காங்கிரஸில் நிறைய ஸ்லீப்பர் செல்ஸ் இருப்பாங்க.

குலகல்வி முறையை அமுல் படுத்துவதில் ராஜாஜி வெகு தீவிரமாக இருந்தார். காங்கிரஸ் நடத்திய மாநாட்டில் பார்ப்பானர்கள் சமையல் பண்ணலைனா நாங்க சாப்பிடமாட்டோம்னு வெளிநடப்பு பண்ணாங்க, பெரியார் வெகுதீவிரமா இடஒதுக்கீடு கேட்டப்ப, முடியாதுன்னு சொல்லிட்டதால் பெரியார் கட்சியை விட்டு வெளியேறினார். (பின்னாளில் ராஜாஜியின் சுதந்தரா கட்சியுடன் திமுக கூட்டணி வைத்து காமராஜரை தோற்கடித்தது சோககதை)

ஜெயலலிதா பிறப்பால் பார்ப்பனராக இருந்தாலும் நன்றாக கவனித்து பார்த்தால் அவர்கள் வைணவகொள்கைகளில் தீவிர ஈர்ப்புடன் இருக்கவில்லை, (செத்தபிறகு ஏன் எரிக்கலன்னு பிரச்சனை ஆனது) கேரளா நம்பூரிகளையும், ஜோசியகாரர்களையும் நம்பியே முடிவுகள் எடுத்தார். அதனால் சங்கிகள் நேரடியாக ஜெயலலிதாவை பயன்படுத்த முடியவில்லை



ஆனாலும் சத்தமே இல்லாமல் சாஹாவில் சிறுவர்களை மூளைசலவை செய்தார்கள். தேசபக்தி என்ற பெயரில் அவர்கள் விதைத்த நஞ்சு இந்துதுவா தான், கராத்தே சொல்லி தர்றாங்கன்னு நான் கூட கொஞ்சநாள் போனேன், எங்களுக்கு சொல்லி கொடுத்த குரு இன்னும் கல்யாணம் பண்ணாம சுத்துறதா கேள்வி பட்டேன், சம்சாரியவே யாரும் திரும்பி பார்க்க மாட்றாங்க, சன்யாசியை எங்கிட்டு பார்க்க.

அடுத்த முயற்சி, பிட் நோட்டீஸ். அதில் இந்திய சுதந்திரத்திற்கு போராடிவர்கள்னு இலையை கூட கிள்ளிபோடாதவர்களின் பெயர்கள் இருக்கும். சுதந்திரத்தின் போது இந்திய முஸ்லீம்களின் எண்ணிக்கை என்று குறிப்பிட்ட சதவிதகமும், தற்போதைய நிலமைன்னு கூடுதலாக சதவிகமும் இருக்கும்,

இந்தியாவை முஸ்லீம் நாடாக ஆக்க முயற்சிக்கிறார்கள் என்பது இப்போதும் அவர்கள் வைக்கும் குற்றசாட்டு. குழந்தைகள் என்ன செடிகொடியா. நட்டுவச்சு தண்ணி ஊத்த, வளர்க்க வேண்டாமா? அப்படியும் எப்படி முஸ்லீம்கள் எண்ணிகை உயர்ந்தது. ஒருவரல்ல, இருவரல்ல ஒரு ஊரே கூட்டாக இஸ்லாம் மதத்தை ஏற்றது. குற்றபரம்பரை என ஒதுக்கிவைக்கப்பட்டவர்கள் இஸ்லாமை ஏற்றார்கள். சாதிய ஒடுக்குமுறைகளில் பாதிக்கப்பட்டவர்கள் முஸ்லீம் ஆனார்கள். இப்படி இந்துகளாக இருந்தவர்கள் தான் இஸ்லாமியர்கள் ஆனது.

சமீபகாலமா இன்னொரு முயற்சியும் பண்றாங்க, கோவில் நிலங்கள் மீட்பு குழுன்னு இவங்களா ஒரு குரூப் சேர்த்துட்டு அங்கங்க ஆர்பாட்டம் பண்ணுவாங்க. சி.எஸ்.ஐ பள்ளியில் படித்த இந்து முண்ணனி தலைவர் அர்ஜுன் சம்பத் இந்தியாவில் கிறிஸ்துவ பள்ளியே இருக்கக்கூடாதுன்னு சொல்லுவார். அதற்கு மாற்றதான் நவோதயா பள்ளிகளை திணிக்க பார்க்குறாங்க

கோத்ரா சம்பவம் இங்கே எடுப்படவில்லை, இப்போது வரை கோவையை கை காட்டிக்கொண்டிருக்கிறார்கள், இப்போதும் IIMT பல்கலைகழகத்தில் உள்ள புரபஸர்கள் 221 பேரில் 209 பேர் ஆதிக்கசாதிகள் தான், படிச்சு தானே வச்சாங்க என்பது சரிதான், ஆனால் அங்கே எப்படி சமநீதியும், சமூகநீதியும் செயல்படும். சாதிய கட்டமப்பை நீக்காத வரை இந்துதுவா முழுமையான வெற்றி பெறாது, ஆனால் சாதிகள் இல்லையென்றால் இந்து மதமே கிடையாது.

திமுக பிஜேபியுடன் இணக்கமாக இருப்பது போல் காட்டுவது, இந்துகளை பகைத்து கொண்டு ஓட்டுகளை இழக்கக்கூடாது என செயல்படுவது இந்துதுவாவாதிகளுக்கு கொண்டாட்டமா இருக்கும், அதனால் வருசா வருசம் விநாயகர் சதுர்த்தி மட்டுமல்லாமல் பார்ப்பான்கள் பூணூல் மாத்தும் ஆவணி அவிட்டத்தை கூட இந்து பண்டிகைன்னு திணிச்சுகிட்டு இருக்காங்க.

ஏற்கனவே அதிமுக பிஜேபிக்கு அடிமையா இருக்கு, திமுகவின் செயல்பாடுகள் சரியில்லைனா நாம தாமரை மயிருல தான் மலரும்னு சொல்ல முடியாது. 2 எம்.,எல்.ஏ வச்சு ஆட்சியை பிடிக்கும் குறுக்குவழி காரர்களுக்கு அது பெரியவிசயமா இருக்காது. மதம் என்பதே மடதனம், மதம் மனிதனை மடைனயாக்கும் பரவலா விழிப்புணர்வு ஏற்படுத்தனும்

இன்னும் சங்கிகள் இந்த்துவாவை பரப்ப வேறு எதும் முயற்சி பண்ணியிருந்தா கமெண்ட்ல சொல்லுங்க, மண்டையில ஏத்திகிறேன்

விநாயகர் சதுர்த்தி ஸ்பெஷல் பீடா!....

பிள்ளையார் ஒரு நாள் விடுமுறை எடுத்தால் உலகமே இயங்காது என்பதற்கு, அந்த அழுக்குருண்டைக்கு முன்னாடி உலகம் எப்படி இயங்கியது என்ற லாஜிக்கான கேள்வியை நாம் முன்வைக்கலாம், ஆனால் அது ஜோஸ்திட சாத்திர நிகழ்ச்சி ஒரு பக்கம் நடத்தி, மறுபுறம் விடுமுறை தின சிறப்பு நிகழ்ச்சி போடும் தொலைக்காட்டிக்கு எதிரான ஸ்டேட்மெண்ட் என்பதால் நாம வேற டாபிக் போவோம்.

மனிதர்களுக்கு பயம் இல்லாமல் வாழ நம்பிக்கை தேவையாய் இருந்தது. திகட்ட திகட்ட நம்பிக்கையூட்டியே குழந்தைகள் வளர்க்கப்படுகிறார்கள், இஸ்லாமியர்களுக்கு அல்லா உலகை இயக்குகிறார். கிறிஸ்தவர்களுக்கு கர்த்தர் உலகை இயக்குகிறீர். போலவே அனைத்து மதத்துகளுக்கும், முப்பத்து முக்கோடி தேவர்கள் இருக்கும் மதத்திற்கெல்லாம் ஜனநாயக முறையில் தேர்தல் வச்சு தேர்தெடுப்பாங்க போல.



குறிப்பிட்ட வயதுக்கு மேல் மனிதர்களுக்கு பகுத்தறிவு வேலை செய்ய ஆரம்பிக்கும், ஆனாலும் நம்பிக்கையை தக்கவைத்துக்கொள்ள பயம் ஊட்டப்படும், கடவுள் இல்லையென்று சொன்னால் உனக்கு மறுபிறவி கிடைக்காது, இறந்தபிறகு நரகத்தில் பல தண்டனைகள் கிடைக்கும் என்பதையும் பரம்பரை பரம்பரையாக ஊட்டி வைத்திருப்பதால், அதுவும் சேர்ந்தே கடத்தப்படுகிறது. எல்லாத்தை விட மதவாதிகளின் கடைசி ஆயுதம், கடவுள் இல்லையென்றால் உனக்கும் நட்டமில்லை, எனக்கும் நட்டமில்லை, ஆனால் ஒரு வேளை இருந்தால் உனக்கு தானே நட்டம்.

டெஸ்லாக்கு முன்னால் யாரேனும் மின்சாரத்தை உருவாக்க முடியும் என சொல்லியிருந்தால் பைத்தியம் மாதிரி பார்த்திருப்பார்கள். பூமி உருண்டை என்பதையோ, பூமி தான் சூரியனை சுற்றி வருகிறது என்பதையோ அன்றைய மதவாதிகள் ஏற்காமல் கடுமையான தண்டனைகள் கூட கொடுத்தார்கள், தொலைபேசி வந்த ஆரம்பத்திலே பிற்காலத்தில் தந்தி இல்லாத பேசும் சாதனம் மக்கள் சட்டை பையில் இருக்கும் என்று சொன்ன பெரியார் ஏன் பகுத்தறிவு தந்தை என அழைக்கப்படுகிறார்னு நீங்களும் யோசிச்சா புரியும்(பிழைப்புவாத பெரியாரிஸ்டுகள் விதிவிலக்கு)

உங்களுக்கு கொண்டாட ஒருநாள் வேண்டும் என்றால் குடும்பத்துடன் மகிழ்வாக கொண்டாடுங்கள், கல்லை எறிந்து மண்டைய உடைக்கிறது, மெடிக்கல்ஷாப்பில் காண்டம் திருடுறதுன்னு இருந்தால் எப்படி உங்கள் கவனம் பொருளாதாரம் பக்கம் திரும்பும், ஆசியாவிலே பொருளாதாரத்தில் மோசமான நாடாக இந்தியா முதல் இடத்தில் நிற்கிறது, அதை சரி செய்ய யோசிக்காமல் கொஞ்சம் கூட பகுத்தறிவே இல்லாமல் அழுக்குருண்டைக்கு பிறந்தநாள் கொண்டாடிக்கிட்டு இருக்கிங்க

ஓரினைபிரியமும் இயற்கையே.......

ஏற்கனவே பலமுறை எழுதியுள்ளேன். பக்தி என்பதை ஒழுக்கம் சார்த்த நடவடிக்கையில் சேர்த்து கொண்டதால் தான் அது மாயை என பலமுறை நிரூபிக்கப்பட்டாலும் தன்னை ஒழுக்கவாதியாக காட்டிக்கொள்ள மனிதம் தன்னை பக்தி மிகுந்த மதவாதியாக அடையாளப்படுத்திக்கொள்கிறான்.
ஒரினைசேர்க்கைக்கு எதிராக காட்டிக்கொள்வதும் அப்படியான ஒழுக்கவாதி வேசம் கட்டவே..

உலகில் ஆயிரத்திற்கும் மேற்பட்ட விலங்குகளிடம் ஓரினைசேர்க்கை பழக்கம் இருப்பதாக கண்டறியப்பட்டுள்ளது. இனபெருக்கத்திற்கென்று பருவம் வைத்துள்ள விலங்குகள் அந்த சமயத்தில் துணை கிடைக்காத பொழுது ஓரினைசேர்க்கையில் தேவையை தீர்த்துக்கொள்கின்றன, மனிதனில் ஓரினைசேர்க்கை இயற்கை இல்லை என எதிர்பவர்கள் விலங்குகளுக்கு என்ன தண்டனை கொடுக்க வேண்டும் என எதும் சட்டம் இயற்றியுள்ளனரா?



மனிதர்கள் அனைவருமே கருவாக உருவாகும் பொழுது பெண் கருவாக தான் உருவாகிறார்கள். ஆணில் இருந்து செல்லும் ஒய் குரோம்சோம்கள் தூண்டப்படும் பொழுதே கரு ஆணாக உருவெடுக்கிறது, தன்னை ஆண்மகன் என மார்தட்டிக்கொள்ளும் அனைவரும், நான் உட்பட உருவாகும் பொழுது பெண் கருவே

ஒருவர் ஓரினைபிரியர்களாக உருவாக பல காரணிகள் இருக்கின்றன, அவை அனைத்தும் இந்த சமூகத்தாலே உருவானவை, இந்த சமூகம் என்பது நீங்களும் நானும் தான், ஒழுக்கம் போதிக்கும் நீங்களே ஒருவரை ஒழுக்கவிதிகளை கட்டுடைக்க தூண்டுகிறீர்கள், ஏனெனில் நீங்கள் போதிக்கும் எந்த ஒழுக்கவிதிகளையும் நீங்களே கடைப்பிடிப்பதில்லை.



அவன் என்னவோ பண்ணிட்டு போறான், என்னை ஏன் தொந்தரவு பண்றான் என்பது பலரின் தற்காப்பு வாதமாக இருக்கிறது. பேருந்து நிலையத்திலோ, பொது வெளியிலோ ஒரு பெண்ணை கண்டால் அவளை சைட் அடிக்க வேண்டும் என உங்களுக்கு தோன்றுவது எந்த அளவு இயற்கையோ அதே விதி தான் அவர்களுக்கும், ஒரு பெண்ணை கலவிக்கு இசையவைக்க நீங்கள் செய்யும் முயற்சிகளை தான் அவர்களும் செய்கிறார்கள், போக அவர்கள் உங்களை ஒருபொழுதும் வன்புணரபோவதில்லை.

ஒரு பெண்ணுக்கு லவ் லெட்டர் தருகிறீர்கள், பலர் முன்னிலையில் அந்த பெண் உங்களை செருப்பால் அடித்தால் மகிழ்ச்சியுடன் ஏற்றுகொள்வீர்களா?
நான் என் விருப்பதை தெரிவித்தேன், உங்களுக்கு விருப்பமில்லையெனில் நாகரிகமாக சொல்லியிருக்கலாம் என்பது தானே உங்கள் கருத்து, அதுவே தான் ஓரினை பிரியர்களுக்கும்

உலகில் 26 வளர்ந்த நாடுகள் ஓரினைசேர்க்கை சட்டபூர்வமாக அங்கிகரத்துள்ளது. அவர்கள் திருமணத்தை சட்டபூர்வமாக்கியுள்ளது. ஒரு தனி மனிதன் திருமணம் செய்து கொள்ளாமல் பிரம்மசாரியாக வாழ உரிமை உண்டு என்றால் அதே தனி மனித உரிமை ஒரு மனிதன் ஓரினைபிரியராக வாழவும் உள்ளது.



உங்களுக்கு ஒரு விசயம் பிடிக்கவில்லை என்பதற்காக அதை ஒழுக்கம் கெட்ட செயல் என வெளிகாட்டுவது தன்னை ஒழுக்கவாதியாக காட்டிக்கொள்ளும் வேசமே தவிர அதில் உண்மை எள்ளளவும் இல்லை. ஏனெனில் உங்கள் ஆதர்ஷ நாயகனை திரையில் காணும் பொழுது நீங்களும் ஆர்கஸம் அடைகிறீர்கள்.

இவ்வுலகில் அனைவரும் பை-செக்ஸுவல் தான்


கேள்வி - பதில் (மார்க்ஸியம்)

கேள்வி:
Anand Babu · 3 mutual friends
அண்ணா விளக்கம் அருமை. மார்க்ஸியம் பற்றியும் அது நடைமுறைக்கேதுவானதா இல்லையா என சொல்வீர்களா ?

பதில்:
மார்க்ஸ் ஒரு முறை சொன்னார், பின்னொரு நாளில் என் சித்தாந்தங்களை விட உயரிய சிந்தனைகள் உருவாகி, மனிதம் தளைத்து எனது புத்தகங்கள் அருகாட்சியத்தில் இருந்தால் நான் மகிழ்ச்சி அடைவேன் என்று.

மார்க்ஸியம் மட்டுமல்ல, எல்லா சிந்தனைகளையும் அதன் கருத்தியலுடன் இசைந்து அடுத்த கட்டத்துக்கு நகர வேண்டும், அது மனிதம் தளைக்க பயனுள்ளதாக இருக்க வேண்டும். எந்த சித்தாந்தமும் ஒரு கட்டத்தில் மக்களிடையே இயல்பில் கலந்து விடும், கிட்டதட்ட ஒரு சடங்காகி விடும். கம்யூனிஸமும், பெரியாரியலும் தற்பொழுது அந்த நிலையில் தான் இருக்கிறது.



ஒருவரின் சிந்தனையை அடுத்த கட்டத்துக்கு எடுத்து செல்ல வேண்டும் என்பது அந்த ஒருவரை அவமானபடுத்துவதல்ல, மனிதத்தின் சிக்கல் முடிச்சுகளை அவிழ்க்க பலர் பல கருத்தியல்களை உருவாக்கினார்கள், அதில் சில மட்டுமே நிலைக்க காரணம், அதன் தேவையும், கருத்தியலின் வள்ர்ச்சியும் தான்.

இதை ஒரு முறை நான் சொன்னதுக்கு, நீ என்ன மார்க்ஸ், பெரியாரை விட பெரிய அப்பாடக்கரான்னு சண்டைக்கு வந்தார்கள். அறிவியலும் கருத்தியலும் ஒரே இடத்தில் தேங்கி நின்றால் மனிதம் இந்த அளவு வளர்த்திருக்குமா? ஒரே இடத்தில் தேங்கி நிற்கும் மத கருத்தியலுக்கு சமமாக கருத்து முதல் வாதத்தை நிறுவுவது அதனை வெளிபடுத்தியவர்களுக்கு நாம் செய்யும் அவமதிப்பு அல்லவா



நான் அடுத்த வகுப்புக்கு செல்கிறேன் என்றால் அதற்கு முந்தைய வகுப்பை அவமதிக்கிறேன் என்று அர்த்தமில்லை, அது இல்லாமல் என்னால் தேவையான பாடத்தை உணரவும் முடியாது. மேலும் அடுத்த வகுப்பு செல்லவும் முடியாது. மார்க்ஸ், பெரியார் போல் நாமும்  மனிதம் சிந்திக்க வேண்டும், ஆனால் தற்போதைய தேவையும் கருத்தில் கொண்டு

இந்திய பொருளாதாரம் உயர்கிறதா?

இன்றைய தினதந்தி தலையங்கத்தில், ரூபாய் மதிப்பு சரிந்தாலும், பெட்ரோல் விலை உயர்ந்தாலும் நாட்டில் ஜிடிபி அபார வளர்ச்சி அடைந்துள்ளது என எழுதியுள்ளனர். ஊடகங்கள் அப்படி தான் எழுதும், ஆனால் உண்மை என்ன என்பதை எழுத வேண்டியது நம் கடமை ஆயிற்றே.

ஜிடிபி என்றால் மொத்த உள்நாட்டு உற்பத்தி என பொருள் கொள்ள வேண்டும். அதை எவ்வாறு கணக்கிட முடியும்? மற்ற தொழில்களில் விற்பனை ஆகும் பொருட்களுக்கு செலுத்தும் வரியை கொண்டு உற்பத்தியை கணக்கிடலாம், ஆனால் விவசாய உற்பத்தி அடைந்துள்ளது என்பதை எதை கொண்டு புள்ளி விபரம் சொல்கின்றனர்.

வரி வருவாய் கொண்டே ஜிடிபி அளவிடபடுகிறது என்பதற்கான சான்று

காய்கறி அல்லாத விவசாய பொருட்கள் பெருமளவு அரசால் கொள்முதல் செய்யப்படும். அதற்கு அரசு நிர்ணயதுள்ள விலை விவசாயிகளுக்கு கொடுக்கப்படும், பல வருடங்களாக கரும்புக்கு விலை உயர்த்த கோரி விவசாயிகள் சண்டையிட்டு கொண்டிருப்பது நீங்கள் அறியலாம்.

பெட்ரோல் விலை உயர்ந்தாலும் நாம் பயன்படுத்தியே ஆக வேண்டிய சூழல், பொது போக்குவரத்தும் உரிய அளவு சேவையில் இல்லாததால் நாம் சொந்த வாகனமே பயன்படுத்திக்கொண்டிருக்கிறோம். 75 ரூபாய்க்கு பெட்ரோல் அடிக்கும் போது அரசுக்கு கிடைத்த வரி வருவாயை விட 83 ரூபாய்க்கு விற்கும் பொழுது அதிகமாக கிடைக்கும், அதை மொத்த உள்நாட்டு உற்பத்தியில் சேர்த்து வளர்ச்சியாக காட்டுவது சரிதானா என நீங்களே யோசித்துக்கொள்ளுங்கள்.



வருடத்திற்கு இரண்டு கோடி வேலை வாய்ப்பை உருவாக்கி தருவேன் என உறுதியளித்த மோடி மற்றும் அவரது வகையறா தற்பொழுது சொல்வது முத்ரா வங்கி மூலம் 13000 கோடி வரை கடன் கொடுக்கப்பட்டுள்ளது, அதனை பெற்றவர்கள் அனைவரும் சுயதொழில் செய்து கொண்டிருக்கிறனர், இதுவும் வேலை வாய்ப்பை உருவாக்கி தருவது தான் என்று

முத்ரா வங்கியில் 83% கடன் பெற்றவர்கள் 50000 ரூபாய்க்கும் கீழே தான் வாங்கியுள்ளார்கள், அவர்களால் அதை வைத்து என்ன தொழில் செய்ய முடியும்? மகளிர் குழுவில் கூட பயிற்சி அளித்து தொழில் வாய்ப்புகளை உருவாக்கி தருகின்றனர், ஆனால் முத்ரா வங்கியோ புள்ளி விபரத்துக்காவே செயல்பட்டு வருகிறது.


ஜிடிபி உயர்ந்தாலும் விலைவாசி உயர்வையும், வங்கி இருப்பு குறைவையும் காட்டும் படம்.

EPF பிடித்தம் முதலில் ஒரு நிறுவனத்தில் 20 பேர் வேலை செய்தால் கட்டாயம் பிடிக்கவேண்டும், ஆனால் மோடி வந்த பிறகு அதை பத்தாக குறைத்தார், 10க்கும் மேல் வேலை செய்த நிறுவனங்கள் தொழிலாளர்களுக்கு EPF பிடித்தது, அதனை மோடி உருவாக்கிய வேலை வாய்ப்பாக காட்டுவது எவ்வளவு பெரிய அயோக்கியதனம்.

பணமதிப்பை திரும்ப பெற்றதால் கருப்பு பணம் ஒழியும் என்றார்கள், 99.3% பணம் திரும்ப வங்கிக்கே வந்து விட்டது. அந்த சமயமே பணமில்லா வர்த்தகம், டிஜிட்டல் இந்தியா என மடை மாற்றினாலும் இந்த்துவா ஆதரவாளர்கள் தவிர மோடிக்கு ஓட்டு போட்டவர்களே துக்ளக்கு பின் மோடி என கிண்டல் செய்யும் அளவுக்கு ஆட்சி இருக்கிறது.

பொய்யான புள்ளி விபரங்களோ, வெறும் வாக்குறுதிகளோ நாட்டை உயர்த்தாது, நீண்ட கால பயன் உள்ள வகையில் முறையான செயல் திட்டம், மக்கள் நலன், அவர்களது உரிமை பாதுக்காக்கப்படும் நாடுகள் மட்டுமே உலக அளவில் மக்கள் வாழ தகுதியுள்ள நாடாக அறியப்படும். அன்றைய ஜெர்மானியர்களுக்கு ஹிட்லர் ஹீரோயாக இருக்கலாம், இன்றைய இந்த்துவாவாதிகளுக்கு மோடி ஹீரோவாக இருப்பது போல்.

ஆனால் ஹிட்லரின் முடிவை யாரும் மறக்கமுடியாதே

!

Blog Widget by LinkWithin