சபிக்கப்பட்டவர்கள்!

//மீண்டும் காதலிபீர் தெரியும் காதலிக்கபடுவீர் என நம்புகிறீறா..//
கடந்தகாலத்தை நினைவுபடுத்த தெரியாதவர்கள் மீண்டும் அதே வாழ்வை வாழ சபிக்கப்பட்டவர்கள்
-ஜார்ஜ் சாந்தாயன் என்ற புகழ்பெற்ற தத்துவஞானி எழுதியது


இயற்கையிலயே எச்சரிக்கை உணர்வு அதிகம் என்பதால் பெண்கள் காதல் விசயத்தில் பயங்கர உஷார். முன்னால் எதுவெல்லாம் பிரச்சனை கொடுத்ததே அதை தவிர்த்து விடுவார்கள். தெரியாதனமா பண்ணிட்டா கூட எதும் பிரச்சனை வந்துருமோன்னு பதட்டப்படுவார்கள்
இந்த விசயத்தில் பெரும்பாலான ஆண்கள் கூமுட்டைகள். திரும்ப திரும்ப காதலிச்சு பல்பு வாங்கும் வரம் பெற்றவர்கள், ஆனாலும் காதல் என்பது பிரதிபலிக்கப்பட்டால் தான் முழுமையடையும். உணரபடாமலே இருந்தால் அங்கேயே தேங்க மாட்டார்கள்.
காதலை முழுமையாக உணரக்கூடிய வயதில் தலையணை சைஸ் புத்தகத்தோடு உறவாடிக்கொண்டிருந்தேன். சுண்டல் பேப்பர், தெருவில் கிடக்கும் பேப்பரை பொறுக்கி கொண்டுருந்தேன். இப்ப காதலிக்க ஆள் தேடினா விளங்குமா
எதோ ஒரு வலியில் வரும் தோழர்களுக்கு உளவியல் ஆற்றுபடுத்துனரா இருப்பது பிடிச்சிருக்கு.
நான் காதலிக்கபடுவேனா என்பதை விட என் காதலை தாங்கும் சக்தி இங்கே யாருக்கும் இருப்பதா எனக்கு தெரியல
பின் சேர்ப்பு
சொல்ல மறந்துட்டேன். ஜார்ஜ் சொன்ன அந்த சாபம் பெற்ற ஒரு கூட்டம் எனக்கு தெரியும். அவர்களை தமிழக வாக்காளர்கள் என்று அழைப்பார்கள் 😂😂😂😂😂😂



 

சாதி இருக்கும் வரை சாதி ரீதியான இடஒதுக்கீடு இருக்கும்...

எவ்ளோ கஷ்டப்பட்டு படிச்சேன் தெரியுமா, ஆனா எனக்கு சீட்டு கிடைக்கல, என்னை விட கம்மி மார்க் எடுத்த பொண்ணு டாக்டர் சீட் கிடைச்சிருச்சு. பொருளாதாரரீதியான இடஒதுக்கீடு முறை வரணும்

இந்த பதிவு எழுதிய தோழருடன் அந்தபக்கம் விவாதம் ஓடுது. ஆனா அது அவர் ஒருவர் மனநிலை மட்டுமல்ல. பல சங்கிகளும் அப்படி தான் பேசிட்டு திரியுங்க

எனக்கு கிடைக்கல என்பதில் எவ்வளவு வலி. ஆனால் பல நூறு ஆண்டுகளகாக செருப்பு அணியக்கூடாது, மேல் சட்டை அணியக்கூடாது, பெண்கள் மேலாடை அணியக்கூடாது. பண்ணையம் என்னும் அடிமை தொழில் தான் செய்யவேண்டும் என்று ஒடுக்கிவைக்கப்பட்ட அந்த சமூகத்தில் ஒரு பெண் டாக்டர் ஆவது அந்த சமூகத்திற்கே எவ்வளவு வலி நிவாரணி..



எதுக்கு பல நூற்றாண்டுகளா போகனும். இப்பவும் பல கிராமங்களில் இரட்டை குவளை இருந்துட்டு தான் இருக்கு. ஒடுக்கப்பட்ட பிரிவினரை வயசு வித்தியாசம் இல்லாமல் சிறுவன் கூட பெயர் சொல்லி அழைக்கும் அவலம். சாதி பெயருடன் கெட்டவார்த்தை சேர்த்து அழைக்கும் அவலம். ஊர் தெருவுக்குள் பிணம் எடுத்துசெல்லக்கூடாது. சாமி ஊர்வலம் அவர்கள் தெருவுக்கு வராது என்று எத்தனை பிரிவினைகள்

யாரோ ஒருத்தர் பொருளாதாரரீதியா வளர்த்துட்டாருப்பா, நீங்க வேணும்னா அந்த வீட்டில் எடுத்துக்கொள்கிறீர்களா? அல்லது பெண் கொடுக்கமுடியுமா? இப்போ உங்களுக்கு எது தடை? அதான் அவர்கள் பொருளாதாரரீதியா மேலே தானே இருக்காங்க. அப்போ தடை வேற சாதி/ அப்படி தானே. அது எந்த சாதியாக இருந்தாலும் நீங்கள் சாதி பார்ப்பீர்களேயானால் அந்த சாதிய சிந்தனை உங்களை விட்டு அகலும் வரை சாதியரீதியான இடஒதுக்கீடு இருந்தே தீரும்.

ஒரு சாதி மறுப்பாளன் ஏன் சாதியரீதியிலான இட ஒதுக்கீடு கேட்க வேண்டும் எங்கிறார்கள். சாதியின் பெயரால் ஒரு சமூகத்தை ஒடுக்கி வைத்து, தாழ்ந்தபட்டவர் என்ற மனநிலைக்கு தள்ளிய பொழுது அந்த புத்தி இருக்கவேண்டும். நான் சாதிமறுப்பாளனா ஆளக்காரணமே உங்களை போன்ற ஆதிக்கசாதிவெறி பிடித்த சாக்கடைகள் தான்

செக்ஸ் கல்வி (ஓரினைசேர்க்கையாளர்கள்)

//Gay உருவாகிறார்களா அல்லது உருவாக்கப்படுகிறார்களா? உங்கள் கருத்து//

ஓரினைசேர்க்கையாளருடன் அனுபவம் உள்ளதுன்னு எழுதியவுடன், உங்கள் அனுபவத்தை சொல்லுங்கன்னு ஏகப்பட்ட மொட்டகடுதாசி.. அதென்ன அட்வெஞ்சரா,, சிலாகிச்சு சொல்ல. அது ஒரு விபத்து. ஆனால் ஓரினைசேர்க்கையை பற்றி தெரிந்துக்கொள்ள அது ஒரு வாய்ப்பாக அமைந்தது. இல்லைன்னா நானும் மத அடிப்படைவாதிகள் போல் ஓரினைசேர்க்கையாளர்கள் சாத்தான் வாரிசுன்னு எழுதிட்டு திரிந்திருப்பேன்..

பெற்றோர்களுக்கு 35+ வயத்திற்கு மேல் பிறக்கும் குழந்தைகள் (எல்லாரும் அப்படி இருக்கனும்னு அவசியமில்ல) பெற்றோர் பைசெக்ஸுவலாக இருப்பது, குழந்தையாக இருக்கும் போது ஊட்டசத்து குறைபாட்டால் ஹார்மோன் இம்பேலன்ஸ் ஆவது. இந்த குறைபாடுகளை ஆரம்பகட்டத்தில் கண்டுபிடிக்க முடியும் என்று நவீன மருத்துவ அறிவியல் கூறியுள்ளது

பதின்மம் மற்றும் இனபெருக்க பருவம் மிகவும் முக்கியமான ஒன்று. பத்து ஆண் நண்பர்கள் ஒன்னா கட்டிபிடிச்சு உருண்டாலும் பாலியல் சிந்தனை உருவாகாது, ஆனால் புதியாய் ஒரு பெண் அருகில் இருந்தாலே அவள் வாசனையே பாலியல் ஹார்மோன்களை தூண்டி விடும். அந்த வயதுகளில் சம வயதுடைய பெண்ணுடன் ரொமான்ஸ் செய்யும் பொழுது ஒருவருக்கு முன்னரே ஆர்கஸம் ஏற்பட்டாலும் அதை பெரிதாக எடுத்துக்கொள்ள மாட்டார்கள். காரணம் அந்த வயதில் கட்டிபிடித்தலே செக்ஸ்க்கு சமமான செயல் தான்., அதே ஆண் ஒரு அனுபவமிக்க பெண்ணுடன் ரொமான்ஸ் செய்யும் பொழுது தடவுதலில் ஆர்கஸம் எட்டியவுடன் அந்த பெண். “அவ்ளோ தானா”ன்னு ஒரு வார்த்தை சொன்னால் போதும். அவனை உயிருடன் தந்தூரி அடுப்புக்குள் இறங்கியது போல் உணர்வான். தான் பெண்களுடன் செக்ஸ் வைத்துக்கொள்ள லாயக்கில்லை என்ற தாழ்வு மனம்பான்மை ஏற்படும். பெண்கள் என்றாலே செக்ஸ் ஹார்மோன் சுரக்காது. இம்மாதிரி ஆட்களை நம்பி தான் பரம்பரை வைத்தியர்கள் ஊர் ஊரா லாஜில் ரூம் போட்டு திரிகிறார்கள்



சிறுவயதில் ஹாஸ்டலில் படிப்பது, சிறைசாலை, நீண்டநாட்கள் பெண் வாடையே படாமல் இருக்கும் ராணுவத்தினரிடையே ஓரினைசேர்க்கை உறவுகள் ஆரம்பிப்பதாக ஆய்வுகள் சொல்கிறது. ஒரு ஆண் மற்றொரு ஆணிடம் தன் பாலியல் தேவைகளை பூர்த்திசெய்துகொள்ளும் வாய்ப்புகள் அதிகம் கிடைக்கும் பொழுது அவனுக்கு இயற்கையாக இருக்கவேண்டிய எதிர்பால் ஈர்ப்பு குறைந்துபோகிறது.  

இம்மாதிரி பல்வேறு சூழ்நிலைகளில் ஓரினைசேர்க்கை பிரியர்களாக ஆனவர்களுக்கு சரியான துணை இன்னொரு ஓரினைசேர்க்கை பிரியர் அல்ல என்பது விந்தை. அவர்களுக்கு சரியான துணையாக இருப்பது பை செக்ஸுவல் என அழைக்கப்படும் இருபால் பிரியர்கள். இவர்கள் பற்றி ஆய்வு செய்தபொழுது பண்டைய கிரேக்க நாகரீகத்தில் பெண்ணுடன் உறவு கொள்வது குழந்தை பேறுக்கு மட்டுமே, ஆணுடன் உறவு கொள்வதே ஆணுக்கு அழகு என்ற நம்பிக்கை இருந்துவந்துள்ளது தெரிந்தது. மாவீரன் அலைக்ஸாண்டர் என்று அழைக்கப்பட்டவன் ஒரு பை செக்ஸுவல் என்பது நிறைய பேருக்கு தெரியாது

பை செக்ஸுவல்கள் பெரும்பாலும் பேண்டஸி செக்ஸ் பிரியர்கள். (செக்ஸ் புரிதலுள்ள தம்பியர்கள் இதில் விதிவிலக்கு) மிசினரி பொஸிசனில் இருந்து விடியோவில் பார்க்கும் எல்லாவறையும், அதில் ஓரல் செக்ஸ், ஏனல் செக்ஸூம் அடங்கும் செய்து பார்க்கும் ஆவல் கொண்டவர்களாக இருப்பார்கள். பெண்களிடம் நிறைவேற்ற முடியாத ஆசைகளை இவர்கள் ஓரினைசேர்க்கையாளர்களிடன் நிறைவேற்றிக்கொள்கிறார்கள். உலகில் ஓரினைசேர்க்கையாளர்களோடு கணிக்ககிட்டால் பைசெக்ஸுவல்கள் 60% இருக்கலாம் என்று ஆய்வு சொல்கிறது.. இவர்களுக்கு உடலுறவுக்கு நிறைய சட்டதிட்டங்களும், சடங்கு, சம்பரியாதங்களும் விதிக்கும் மனைவி வாய்த்தால் ஒரேடியாக ஓரினைசேர்க்கையாளர்களாக வாய்ப்புள்ளது



மேலே குறிபிட்ட ஹார்மோன் குறைபாடு விசயத்தில் திருநங்கைகளும் வந்துவிடுவார்கள். அவர்களை தனியாக பிரித்துபார்க்கவேண்டியதில்லை

என் புரிதலில் மனைவியை கொடுமைபடுத்தும் தந்தையை பெற்றவர்கள், சிறுவயதில் பாலியல் துன்புறத்தலுக்கு ஆளானவர்கள். எதோ சில காரணங்கள் ஆண்கள் மேல் தீராத வெறுப்பு கொண்டவர்கள் லெஸ்பியன் ஓரினை பிரியர்கள் ஆக வாய்ப்புண்டு. ஆனால் ஒப்பிட்டவளவில் இது மிக மிக குறைவு. இருப்பினும். லெஸ்பியன்களுக்கு குரல் கொடுக்கும் @Malani மற்றும் செக்ஸ் பேச வேண்டிய விசயம் தான் என எழுதும் @Bulbul போன்றவர்கள் லெஸ்பியன்கள் பற்றி எழுதினால் பலர் தெளிவு பெற வாய்ப்பாக அமையும்

ஓரினைசேர்க்கை இயற்கைக்கு புறம்பானது என்று தான் நானும் ஆரம்பத்தில் நினைத்திருந்தேன். ப்ளாக் ஆரம்பித்த புதிதில் அப்படி எழுதியும் இருக்கிறேன். ஆனால் விலங்கினங்களில் 258 வகைகளுக்கும் மேல் ஓரினைசேர்க்கையாளராக இருப்பது தெரிந்தது முதல் என் கருத்தை மாற்றிக்கொண்டேன்

மேலும் அது குறித்து படிக்கையில் பரிணாம மாற்றத்தின் அடுத்த படியாக பெண், ஆண் துணையில்லாமல் குழந்தை பெற்றுக்கொள்ளும் வாய்ப்புகள் உருவாகும். ஏற்கனவே கொமேடோ டிராகன் அப்படி முட்டையிடுவதாக கண்டுபிடிக்கப்பட்டது.  ஈஸ்ட்ரோஜன்(பெண்மைக்கான சுரப்பு) அதிகம் காணபட்ட நதிநிலைகளில் ஆண் மீன்கள் கருமுட்டையுடன் இருந்தது கண்டுபிடிக்கப்பட்டது. வருங்காலம் இருபால் நிலையும் மறைந்து ஒரே பாலினமாக ஆகலாம் என்று ஆய்வுகள் தெரிவிக்கிறன,

எனக்கு காபி, டீ பிடிக்காது என்பதற்காக அதை குடிப்பவர்களை குற்றவாளி என சொல்லமுடியுமா? அப்படி தான் நமக்கு ஓரினைசேர்க்கை பிடிக்காது என்பதற்காக அவர்களை குற்றவாளிகள் போல் பார்ப்பது. ஒரு பெண்ணிடம் உங்கள் விருப்பத்தை தெரிவிக்கும் பொழுது பலர் முன்னிலையில் உங்களை அவமானபடுத்தினால் எப்படி இருக்கும். அதுவே தான் தன் விருப்பத்தை தெரிவிக்கும் ஒரு ஓரினைபிரியரை ஸ்கீரின்ஷாட் போட்டு அவமான படுத்துவதும். ஒரு பெண் உங்களிடம் எப்படி நடந்துக்கொள்ள வேண்டும் என்று நினைக்கிறீர்களோ அப்படியே நீங்கள் இவர்களிடம் நடந்துக்கொள்ளுங்கள்

ஆண்பால், பெண்பால் மறைந்து அன்பால் இணையப்போகும் காலத்தில் நாம் படியெடுத்து வைத்துவிட்டோம்

கேள்வி - பதில் (16.08.17)

//இந்தி எதிர்ப்பு" ஈழப்போராட்டம், ஜல்லிக்கட்டு, இந்த போராட்டங்களில் உங்களை மிகவும் ஈர்த்தது, பாதித்தது, நேர்மையானது எது ஏன்???.. பிரபாகரன் கலைஞர், ஒற்றுமை வேற்றும
//
இந்தி எதிர்ப்பின் போது நான் பொறக்கவேயில்ல
ஈழப்போராட்டம் உணர்வு பூர்வமானது ஆனால் அரசியல் கட்சிகள் ஆதாயம் தேடிக்கொள்ள மடை மாற்றியது போராட்டத்தை நீர்த்துப்போக செய்தது
ஜல்லிகட்டு போராட்டமும் தோல்வி தான். ஏன் ஜல்லிகட்டை ஆதரிக்கிறோம்னு தெரியாமலே நிறைய பேர் வந்து அரசியல் கட்சிகளுக்கு எதிராக குரல் கொடுத்துக்கொண்டு இருந்தார்கள்
என் புரிதலில் பேசப்பட வேண்டிய நேர்மையான போராட்டம் நெடுவாசல் போராட்டம். யார் வந்தாலும் வாங்க, வராட்டி போங்கன்னு மக்களே அமர்ந்து போராடியது. ஆனால் அவரை பொறுத்தவரை நெடுவாசல், கதிராமங்கலம் போராட்ட மக்கள் அனைவரும் பயங்கரவாதிகள். ஏன்னா ஆட்சி நடத்தது அஹிம்சாவாதி
கருணாநிதி, பிரபாகரன் ஒப்பீடு செய்யும் அளவுக்கு எனக்கு அறிவும் இல்லை. அரசியல் அனுபவமும் இல்லை. கருணாநிதியின் சினிமா மற்றும் இலக்கிய பங்களிப்பு தமிழுக்கு மிக முக்கியமானது. 90க்கு பிறகு அரசியலில் சுயநலம் ஏற்றுகொண்டார் என்பது என் புரிதல். பிரபாகரன் ஒரு தேசியத்தின் தலைவராக பல லட்சம் மக்களால் ஏற்றுக்கொள்ளபட்டவர். இருவர் மீதும் தனிபட்ட முறையில் விமர்சனம் இருந்தாலும் இருவருமே தமிழ் சமூகத்தின் மறுக்கமுடியாத ஆளுமைகள்

****

//காமராஜர் நெஜம்மாவே அவ்வளவு சூப்பரா ஆட்சி பண்ணினாராங்க?//
சூப்பரான்னு தெரியல. ஆனா நேர்மையாக இருந்தார் என்பது உண்மை. பிற மாநிலங்களை விட தமிழகம் கல்வியிலும், தொழிலிலும் முன்னோடியாக இருப்பதற்கு காமராஜர் ஒரு காரணம். ஏழைகளும் படிக்க வர வேண்டும் என்பதற்காக மதிய உணவு திட்டத்தை உருவாக்கியது அனைவருக்கும் தெரியும்
ஒரு கம்பெனி தமிழகத்தில் பத்து தொழிற்சாலைகள் அமைக்க விரும்பியது. ஒவ்வொரு கம்பெனியின் செலவிலும் 10% கமிசனாக கிடைக்கும் என சொல்லப்பட்டது. அதற்கு காமராஜர் என்ன சொன்னார் தெரியுமா? அந்த பத்து கம்பெனி கமிசனை வச்சு இன்னொரு கம்பெனி ஆரம்பிக்கச்சொல்லு என்றார்
இன்றைய அரசியல்வாதிகளோ தொழில் தொடங்க வரும் கம்பெனிகளிடம் 40% கமிசன் கேட்டு எல்லாரையும் வெளிமாநிலங்களுக்கு துரட்டிக்கொண்டு இருக்கின்றனர்.. அதிலும் குறிப்பாக 2011-2017 தொழில் வளர்ச்சியில் தமிழகம் வரலாறு காணாத மந்தம்



****

//சைகோ தனத்தின் உச்சம் எது?? சைகோகளை எப்படி கண்டுபிடிப்பது..
//
அந்த அளவுக்கு டீப்பா தெரியல‌
என்னை பொறுத்தவரை நமக்கு வலிப்பது போல் பிறருக்கும் வலிக்கும்னு புரியாதவர்கள் எல்லாருமே சைக்கோக்கள் தான்.
என் புரிதலில் ஒருவர் செய்த தப்புக்கு ஒட்டு மொத்த சமூகத்தையும் அல்லது வேறு ஒரு தனிநபரை பழிவாங்கும் மனபான்மையை சைக்கோதனம் என்று உணர்கிறேன். யோசித்து பாருங்க, நான் சொல்றது சரின்னு தெரியும்
அதில் உச்சம் பற்றி யோசிக்கவே முடியல

*****

பணத்தை வைத்து சாதியை ஒழிக்க முடியாதா?//
வளர்ந்த நாடுகளில் பொருளாதார முன்னேற்றம் பெற்றதால் சாதி ஒழியவில்லை
அவர்கள் பிரிவினைகளை ஒழித்ததால் தான் பொருளாதார முன்னேற்றம் பெற்றார்கள்
சாதி பொருளாதாரத்தையும் தாண்டி மேட்டிமைதனம் பேசுவது. பொருளாதாரத்தில் முன்னேற்றம் அடைந்ததால் மட்டுமே இன்னைக்கு பார்ப்பனர் அல்லாத ஒருவர் சங்கராச்சாரி ஆகிவிட முடியுமா? கோவில் கருவறைக்குள் செல்லமுடியுமா? முற்றிலுமாக சாதி போன்ற பிரிவினைகள் ஒழியும் வரை நாடும் முன்னேறாது, மனிதமும் முன்னேறாது

*****

//சசிகலா தான் வரணும்ன்னு தைரியமா பேசுற சுப்ரமணியசாமிய யாரும் BJP ல கேக்காதது அவங்க இயலாமையா? இல்ல இவரோட ஆளுமையா? இல்ல BJP la எவ்வளவு கருத்து சுதந்திரம்ன்னு பாருங்கன்னு சொல்றதுக்கா//
ஜெயலலிதா சிறப்பாக ஆட்சி செய்கிறார் என்று அதுவும் சிறை சென்று திரும்ப பிறகு பொன்னார் சொன்னபொழுது பாஜக எதுவும் கேட்கவில்லை. அதே பொன்னார் இப்போ சசிகலாவுக்கு ஆதரவா பேசினா பதவியே பறிக்கப்படலாம்
பாஜகவில் சுதந்திரம் பார்ப்பனியத்திற்கும், பார்ப்பனியத்தின் ஆதரவாளருக்கு மட்டும் தான்
ஜனாதிபதி வேட்பாளர் தலித் தான் ஆனாலும் நல்லவர் என்றால் என்ன அர்த்தம்
மற்ற தலித்துகள் மேல் என்ன அடையாளம் சுமத்த நினைக்கிறார்கள்
இது தான் பார்பனீயம்
வேறு யாருக்கும் இந்த யோசிக்கக்கூட தோணாது

****

//NEET க்கு எதிரா பேசும்போதே current system la management quota la சாப்ட்ற கல்விதந்தைகள் மறைமுகமா இன்னும் ஒரு 3 வருசம் சம்பாதிக்கட்டும்ன்னு சொல்றோமா?//
நீட் என்பது வரைமுறை படுத்திகிறோம் என்ற பெயரில் மாநிலத்தின் உரிமைகளை பறிக்கும் முயற்சி, மத்திய அரசின் கட்டுபாட்டில் இருக்கும் எய்ம்ஸ், ஜிப்மர் மருத்துவ கல்லூரிகளுக்கு நீட் தேர்வு இல்லை என்பது பக்தாஸ்க்கும் தெரியும், ஆனாலும் முட்டு கொடுப்பாங்க‌
கல்வி களவாணிகளை வரைமுறை படுத்த வேண்டிய சட்டம் வேற. அதை சரி செய்யத்தான் நீட் என்பது காய்ச்சல் என்ற வியாதிக்கு சூடு வைக்கும் முட்டாள்தனம். கல்வி களவாணிகள் மட்டுமல்ல. தமிழகத்தில் இயற்கை வளங்கை சுரட்டும், காருண்யா, ஜக்கி மற்றும் தாது மணல் கொள்ளைகள் மீதும் கடுமையான நடவடிக்கை வேண்டும்.
அதை செய்யாத அரசு உண்மையில மக்கள் நலனில் தான் நீட் கொண்டு வந்துருக்குன்னு நம்புறிங்களா/ ஒரு பக்கம் கல்வி களவாணிகளுக்கு ஆதரவளிக்கும் படி இருக்குன்னு சொல்லிட்டு இன்னொரு பக்கம் நீட் தேர்வுக்கு கோச்சிங் சென்டர் ஆரம்பிக்கும் களவாணிகளும் கல்வி களவாணிகள் தான். அது ஏன் உங்களுக்கு தெரியல‌

*****

கேள்வி - பதில் (12.08.17)

//உங்களிடமிருந்து நிறைய கற்றுக்கொண்டிருக்கிறேன்... உங்களுடைய ஒரு நல்ல பழக்கத்தைப்பற்றி விரிவாக சொல்லுங்களேன். எப்படி ஆரம்பித்தது, அதை ஏன் இன்னும் தொடர்கிறீங்கள் என்பன பற்றிய விவரனைகளுடன். நன்றி வால்...
//
ஒரு செயலின் விளைவுகளே அது நல்லதா, கெட்டதா என்று தீர்மானிக்கிறது.
கொலை தவறு, ஆனால் ஒரு மனிதவெடிகுண்டை கொல்வது சரியானது
ஆக இது சரியா தவறா என்று யோசிக்க ஆரம்பித்தால் எதையுமே செய்ய முடியாது. என்னை பொறுத்தவரை குற்ற உணர்வை ஏற்படுத்தாத எல்லாமே சரி தான்.
எப்போதாவது தடுமாறினாலும் நான் கடைபிடிக்கும் பழக்கங்கள்:
தவறை நியாயபடுத்திக்கொண்டே இருந்தால் நம்மை திருத்திக்கொள்ள முடியாது
பிறரை குறை கூறுவதே நம்மை நியாயபடுத்தும் செயல் தான்
எதையும் விழிப்புடன் செய்வது
அடிக்கடி சுயபரிசோதனை செய்து கொள்வது
எப்போதும் கற்றுக்கொள்ளும் ஆர்வத்துடன் மாணவனாக இருப்பது
முடிந்தவரை இயற்கையாக வாழ்வது

*****

//வாழ்நாள் முழுக்க நடந்தாலும் பாதம் ஏன் தேய்வதில்லை//
உடல் உறுப்புகள் உயிருள்ள பொருள். நம் உடலில் இருக்கும் உயிரணுக்கள் நம் உடலை ரிப்பேர் செய்துக்கொண்டே இருக்கும்.
முடி வெட்டினால், நகம் வெட்டினால் வலிக்காது, ஏனென்றால் அவை இறந்த செல்கள்

*********

//நீங்க ஏன் இப்படி ப்ளே பாயாவே இருக்கீங்க உண்மையான பதில் வேண்டும்//
பிறருக்கு தொந்தரவு இல்லாமல் நமக்கு சந்தோசம் தரும் எதையும் செய்யலாம். எனக்கு கால் பாயா இருக்கக்கூடத்தான் ஆசை, அதுக்கெல்லாம் கொடுப்பினை வேணும் போல

***

//ராஜன் ஒங்க ஜிகிரி தோஸ்தா//
என் தம்பி

**

//ரொம்ப சர்சைக்குரிய விசயங்கள் ஆனா வெளிப்படயா நேர்மையா தோணுறத போட்டோவோட எழுதிறீங்க, போலிஸ், அரசியல்வாதிங்க தொல்லை இல்லியா//
ஒரு உயிரின் மிகப்பெரிய பயம் மரணம்
அதை கடந்துவிட்டால் வேறு எதை பற்றியும் பயம் வராது.
போலிஸ் இதுவரை கேட்டதில்லை
அரசியல்வாதிகள், மதவாதிகள் கொலைமிரட்டலும், போன் பண்ணி திட்ற வேலையும் செய்வாங்க.
என் கேள்வி உன் நம்பிக்கையை காயபடுத்தினால் உன் நம்பிக்கையில் தான் பிசுகு. என் கேள்வி சரியானதே என்பேன்

***

//பெரியார் பற்றியும், திராவிடம் பற்றியும் உங்கள் கருத்தை அறிய ஆவல்//
திராவிடம் என்பது ஆரியர்களுக்கு எதிரான அவர்களது கொள்கைகளுக்கு எதிரான நிலபரப்பு ரீதியாக நம் தொன்மங்களின் படி கட்டமைக்கபட்ட சித்தாந்தம். இஸம் என்றும் சொல்லலாம்
ஆரியர்களின் வருணாசிரம கொள்கை, குலகல்வி முறையை எதிர்த்து வெற்றி பெற்றத்தில் பெரியாரின் பங்கு முக்கியமானது
கர்நாடகா, கேரளா நம்மை போட்டு மிதிக்கிறானே என்பது நமக்கும் பக்கத்து வீட்டு காரனுக்கும் இருக்கும் தகராறு போற்றது. அதுக்கும் திராவிட சித்தாந்தம் எந்த சம்பந்தமும் இல்லை. அவ்வாறாக சித்தரிப்பது தமிழ் தேசியவாதிகளின் மொன்னைவாதம்
நம் வீட்டுக்கு வேலி அமைத்து கொள்ளவும், நம் உரிமைகளை சண்டை போட்டு பெற்றுக்கொள்ளவும் நமக்கு உரிமை உண்டு. அவ்வகையில் தமிழ் தேசிய சித்தாந்தத்தை நான் வரவேற்கிறேன். ஆனால் திராவிடத்தால் தான் வீழ்ந்தோம் என்பது அயோக்கியதனம்
முக்கிய குறிப்பு, தற்சமயம் இருக்கும் திராவிட பெயர் தாங்கி கட்சிகளுக்கும், திராவிட சித்தாந்த்திற்கும் எந்த சம்பந்தமும் இல்லை. தேர்தல் முறையை எதிர்த்த பெரியார் படத்தை போட்டு ஓட்டு பொறுக்கும்......... இவர்கள்

*****
//ஓரினச்சேர்க்கை அனுபவம் உண்டா?!//
உண்டு.
இது சம்பந்தமா இன்னொரு கேள்வியும் வந்துள்ளது. அதற்கு விரிவாக பதிலளிக்கிறேன்
சின்ன ட்ரைலர்
உலகில் 60% க்கும் மேற்பட்ட ஆண்கள் பைசெக்ஸுவல்

****


 

பிறருக்கு என் மீது இருக்கும் மதீப்பிடுகள் பற்றியெல்லாம் அக்கறையில்லை
நான் ஏற்கனவே கேள்வி - பதில் பகுதி எழுதிகிட்டு இருக்கேன். சிலருக்கு இருக்கும் சந்தேகங்களை தீர்த்து கொள்ள கூச்சத்தாலே முடியாமல் இருக்கலாம். அவர்களுக்காக தான் இந்த அப்ளிகேசனை எடுத்தேன்.



***

தமிழ் தேசியம்!

தமிழ்நாட்டை தமிழன் ஆளவேண்டும் என்பது ஒரு ஐடியாலஜி, கட்சியின் கொள்கை.
இந்தி, இந்து, இந்தியா போன்ற கேவலமான கொள்கையுள்ள கட்சியே இந்தியாவை ஆளும் போது தமிழன் ஆள வேண்டும் என்ற கொள்கை மோசமில்லை

ஆனால் அதற்கு ஒரு தமிழனா உங்களுக்கு தமிழ்நாட்டின் மீது இருக்கும் அக்கறையையும், செயல்முறை திட்டங்களையும் தான் காட்டி ஓட்ட வாங்க முடியும். திராவிடத்தால் வீழ்ந்தோம் என்பது மொன்னை வாதம் மட்டுமல்ல, அயோக்கியதனமும் கூட



இந்தியாவின் பிற மாநிலங்களை ஒப்பிடும் பொழுது தமிழகம் முன்னேறியேயுள்ளது. பல மாநிலங்களை விட இங்கே சாதி கலவரம் குறைவு, பாமக போன்ற சாதியவாதம் பேசும் கட்சிகள் தங்கள் கொள்கைகளை மாத்திகிட்டா அந்த குறைவும் இல்லாமல் போகும்.

நீங்க என்னடான்னா நீ தமிழனான்னு தெரிஞ்சிக்க அவன் என்ன சாதின்னு டி.என்.ஏ டெஸ்ட் எடுத்து பார்த்துகிட்டு இருக்கிங்க. உங்களை மாதிரி பிற்போக்குவாதிகளிடம் இருந்து காப்பாற்றியதே திராவிடம் தான்.

திராவிட கட்சிகளின் ஊழலை சொல்லி ஓட்டு கேளுங்க. அதே திராவிட கட்சியில் இருந்து ஆண்ட ஓ.பி.எஸ்., இ.பி.எஸ் கையாலாகதனத்தை சுட்டி காட்டி ஓட்டு கேளுங்க. நீர்மேலான்மை, விவசாயத்தில் உங்களுக்கு இருக்கும் திட்டங்களை சொல்லி ஓட்டு கேளுங்க.

அதை விட்டு கேனதனமா நரம்பு புடைக்க வந்தேறி வந்தேறின்னு கத்திகிட்டு இருந்தா கடைசி வரைக்கும் ஒரு கவுன்சிலர் சீட்டு கூட வாங்க முடியாது. உங்கள் அரசியலை அடிமட்டத்தில் இருந்து ஆரம்பிப்பதே நல்லது. உள்ளாட்சி தேர்தலுக்கு தயாராகுங்க

உங்கள் வீடும் எரியும்போது தான் குரல் கொடுப்பீர்களா?

பணமதிப்பை திரும்ப பெறுதல் கருப்பை பணத்தை ஒழிக்க உலக நாடுகள் பலவும் மேற்கொள்ளும் முறைகளில் ஒன்று. மோடியின் அறிவிப்பு நல்ல செயல்முறை என்று ஆரம்பத்தில் பாராட்டியவர்களில் நானும் ஒருவன், ஏன்னா எங்கிட்ட வெள்ளைபணமே இல்ல, கருப்பு பணத்திற்கு நான் எங்க போக.
ஆனால் நடந்ததோ வேறு, அரசு எதிர்பார்த்ததில் 10% கருப்பு பணம் பிடிப்படிருக்குமா என்பதே சந்தேகம் தான். அந்த திட்டம் தோல்வி என்பதற்கு சான்று இன்று வரை திரும்ப பெறப்பட்ட பணத்தின் மதிப்பை அரசு வெளியிடமறுக்கிறது. இருக்கும் ஓட்டைகளை அடைத்து மீண்டும் 2000 ரூபாய் நோட்டு செல்லாது என அறிவிப்பு வருமா என எதிர்பார்த்துக்கொண்டிருக்கிறேன்
அனைத்தையும் ஆதாரில் இணைப்பதும் நல்ல திட்டம் தான் உலக நாடுகள் பல செய்துள்ளன. ஆனால் ஆதார் இணைப்பை நாம் வாங்கும் சொத்துடன் இணைத்தால் மட்டுமே பினாமி சொத்து குவிப்பு கட்டுப்படுத்தப்படும், வங்கியில் வரும் போகும் பணம் ஏற்கனவே பான்கார்டு கொண்டு கண்காணிக்கப்படுகிறது. ஆதாரின் பயன் முழுமையடைய அரசு என்ன செயல்திட்டம் வைத்துள்ளது என்பதையும் அறிய காத்திருக்கிறேன்
ஒரே நாடு ஒரே வரி என்பது வளரும்/வளர்ந்த நாடுகளில் உள்ள வரி முறை தான். ஆனால் இந்தியாவில் மட்டும் தான் அதிகபட்ச வரியும், சாராயத்திற்கும், பெட்ரோலுக்கும் விலக்கு அளிக்கப்பட்டுள்ளது. ஜி.எஸ்.டியை ஆதரிக்கும் பலர் சொல்வது பின்னாளில் அவைகளும் ஜி.எஸ்.டியின் கீழ் கொண்டு வரப்படும். அதற்காகவும் காத்திருக்கிறேன்.


மேல்சொன்னவற்றில் பணமதிப்பை திரும்ப பெற்றதை தவிர அனைத்தும் நேற்று அறிவிக்கப்பட்ட மானிய விலக்கு உட்பட அனைத்தும் காங்கிரஸ் அரசில் கையெழுத்தானவை, திட்டமிடபட்டவை. மேலே சொல்லவற்றில் நல்ல விசயங்களில் சொல்லிவிட்டேன். ஆனால் மானிய விலக்கு என்பது நடுத்தர.ஏழை மக்களின் மேல் சுமத்தப்படும் பெரும் பொருளாதார சுமை
மானியம் என்பதை பிச்சையுடன் ஒப்பிட்டு சிலர் எழுதி வருகிறனர்.அவர்கள் சிறப்பு தரிசனத்தில் சாமி பார்ப்பவர்கள். அவர்களுக்கு மானிய்ம் என்பதை பிச்சையாக தான் தெரியும். இந்த நாட்டில் பிறந்த விட்டோமே என்று ஒருவேளை உணவுக்கு ஏக்கும் மக்களுக்கு மானியம் என்பது நாடு அவர்களுக்கு அளிக்கும் உத்திரவாதம், தன் நாட்டு மக்கள் மேல் அவர்களுக்கு இருக்கும் கடமை. அதில் இருந்து பின்வாங்குவது நாடும், அரசும் மக்களுக்கு செய்யும் துரோகம்
உங்களுக்கு தெரியுமோ தெரியாதோ இந்தியாவின் அனைத்து தொழில்களும் வெறும் 100 பெருமுதலாளிக்காக உழைக்கப்படுபவை. லாபம் ஈட்டிக்கொடுக்கப்படுபவை. நாம் அனைவரும் மறைமுகமாக அவர்களுக்காக தான் வேலை செய்துக்கொண்டிருக்கிறோம். அல்லது நிர்பந்திக்கப்படுகிறோம். அதற்கு அரசும் உடந்தை. எளிமையாக உதாரணம் கடந்த மூன்று வருடத்தில் மட்டும் கார்ப்ரேட் நிறுவனங்கள் பெற்ற வரிசலுகை, கடன் ரத்து மற்றும் 15 லட்சம் கோடியை தாண்டும். வரா கடனில் தான் உள்ளது. வசூல் செய்யப்படும் என்பது என்னாகும்னு உங்களுக்கு தெரியும்.
எனக்கு பாதிப்பில்லை அதனால் நான் ஏன் கவலைபடவேண்டும் என்பது பக்கத்து வீடு தானே எரியுது, என் வீடு எரியும் போது பார்த்துக்கலாம் என்ற மனநிலை. நாளை உங்கள் பாக்கெட்டில் இருந்தும் பிடிக்கப்படும் பணம். இது உங்களின் வாக்கு என்ற ஆயுதத்தை கூர் தீட்ட வேண்டிய நேரம். மக்கள் விரோத அரசை மக்கள் நினைத்தால் தண்டிப்பார்கள் என்று காட்ட வேண்டிய நேரம். நீங்கள் பிறக்கும் போது மனிதனாக தான் பிறந்தீர்கள். உங்களுக்கு போர்த்தப்பட்ட சாதி, மத அடையாள போர்வையை துரந்து மனிதர்களாக ஒன்றியனைய வேண்டிய நேரம்.
ஒரு எறும்பு கூட தன்னை காப்பாற்றிக்கொள்ள போராடும். நீங்கள் அதை விட கேவலமா என்ன?

எதை நோக்கி இந்தியா?

நேற்று காவி டவுசர்களின் சில பதிவுகள் பார்த்தேன்.
//*ஸ்மார்ட் போனில் மானியம் பற்றி பேசுவது நகைமுரண்.//
மேலோட்டமா பார்த்தால் நியாயம் தானேன்னு தோணுதுல்ல ஆனால் இதில் இருக்கும் விசம் உங்களுக்கு புரியலைன்னா நீங்களும் மனிததன்மையை இழந்துகொண்டிருக்கிறீர்கள் என்று அர்த்தம்.
உனக்கு பசிக்குதா நீ கேளு, எவன் பசிக்கோ நீ ஏன் சவுண்டு கொடுக்குற என்பதன் பொருள் தான் மேலே இருக்கும் பதிவு. நான் தான் உலகம், இணையம் தான் உலகம் என்ற செக்குமாடுகளுக்கு தான் இம்மாதிரியான பதிவுகள் வரும். இன்னொரு தண்டகருமமும் இருக்கு. சாப்பாடு இல்லைன்னா அவன் விதி, போன ஜென்ம கர்மா என்று தன்னை விடுவித்துக்கொள்ளும் கோழைதனம்.
தென் இந்திய மாநிலங்கள் ஓரளவு படிப்பறிவு பெற்றது. சுய மரியாதை மிக்கது. மூட்டை தூக்கியாவது பிழைச்சிக்கும் பீகார், ராஜஸ்தான், உத்திரபிரதேசம் போன்ற மாநிலங்களில் தன் கையெழுத்து போடதெரியாத மக்கள் எத்தனை பேர் தெரியுமா? மானியம் என்பது பிச்சை அல்ல, என் சக மனிதனின் கஷ்டத்தில் பங்கெடுக்க நான் கொடுக்கும் வரிபணம். மானியம் ரத்து செய்யப்போறோம்னு பொது வாக்கெடுப்பு நடத்த உங்களுக்கு தைரியம் இருக்கா?


//*மனசாட்சியை தொட்டு சொல்லுங்க, நீங்கல்லாம் ரேசன் வாங்கியா சாப்பிடுறிங்க//
எங்கள் வீட்டில் ரேசன் அரிசி தான், அதில் வெட்கப்பட என்ன இருக்கு. நீ ரேசன் அரிசி சாப்பிடலைன்னா எல்லாரும் உன்னை மாதிரியே பணக்காரனா இருப்பானா? நீ குடியும், குடித்தனமுமா சந்தோசமா இருந்தா இந்த உலகமே அப்படி தான் இருக்குன்னு நினைச்சிகிவியா? நீ என்ன மெண்டலா இல்ல சைக்கோவா?
ரேசன் பொருள்கள் கள்ள சந்தையில் விற்கபடுவது கிரிமினல் குற்றம், அதை தடுக்க கடுமையான சட்டம் போடனுமே தவிர ரேசன் கடையை மூடுவது கேனதனமாவுல இருக்கு. இதை தான் எலிக்கு பயந்து வீட்டை கொழுத்துவது என்று சொல்வார்கள்.


//இது காங்கிரஸ், திமுக கொண்டு வந்த சட்டம்//
அப்படினா இதுவும் காங்கிரஸ் ஆட்சி அப்படி தானே.
ஒரு பெளலர் ஒய்ட் பாலா போடுறான், வேற பெளலர் மாத்துறாங்க. அவனும் வந்து ஒய்ட் பாலா போடுறான்.
அவன் பண்ணதையே நீயும் பண்றதுக்கு நீ எதுக்குடா டோமருன்னு கேட்பாங்களா மாட்டாங்களா? இப்ப நான் உன்னை பார்த்து என்ன கேட்க?
நாட்டில் என்ன நடக்குது, எத்தனை மக்கள் வீடில்லாமல் ப்ளாட்பாரத்தில் தங்கியிருக்காங்க. வேலை இல்லாமல் எத்தனை பேர் இருக்கான். ஒரு வேளை சோத்துக்கு எத்தனை பேருக்கு உத்தரவாதம் இருக்கு. இதெல்லாம் கொஞ்சம் கூட யோசிக்காம சட்டம் இயற்கும் உங்களையெல்லாம் மனுசங்கன்னு சொல்லிக்கவே முடியல.
சக மனிதனின் பசியை அறிய முடியாத நீங்கள் உலகிலயே கேவலமான பிறவிகளாக தான் இருக்கக்கூடும்

!

Blog Widget by LinkWithin