தியானம்!

தியானத்தில் ஆர்வமுள்ள ஒரு நண்பருடன் நடந்த உரையாடல் முதலில்!

0*0

அண்ணா! ஒருத்தர்கிட்ட மீடியேட்டர் ஆகனும்னு சொன்னேன், கண்டபிடி திட்டுறாரு,

அட எங்கிட்ட சொல்லியிருந்தேன்னா, நான் ஆக்கி விட்ருபேனே!

உங்களுக்கு தான் அதிலெல்லாம் நம்பிக்கையில்லையே!

பேய் மேல நம்பிக்கையில்லைனா, மீடியேட்டர் எப்படி ஆகுறதுன்னு தெரியாதாக்கும்.

எப்படின்னு சொல்லுங்கண்ணா!

முதல்ல நான் கொடுக்குற லெட்டரை ஒரு பொண்ணுகிட்ட கொண்டு போய் கொடு, அது தான் மீடியேட்டரின் பாலபாடம்!

என்னைய அடி வாங்க சொல்றிங்களா!?

என்னாங்கடா இது, பேய் கிட்டகூட பேசுவேங்குறானுங்க, பெண்ணுகிட்ட அடிவாங்க பயப்படுறானுங்க!

****

அண்ணா! புதுசா ரெய்கின்னு ஒரு யோகா இருக்காம், அதை கத்துக்கலாம்னு இருக்கேன்!

தம்பி சும்மா அதையும், இதையும் கத்துகிறதால வாழ்க்கை முழுமை அடையாது.

வேற என்னான்னா பண்றது?

you should not be a follower, be a Creator!

புரியிற மாதிரி சொல்லுங்கண்ணா!

தம்பி, நீ கத்துகுற யோகா, தியானம் எல்லாம் முன்னாடியே, இதை செஞ்சா இது நடக்கும்னு எழுதி வச்சது, அது நடக்காட்டியும், நீ நடந்ததுன்னு நம்புவ! ஏன்னா இது மாதிரி விசயங்கள் வெறும் நம்பிக்கையில் தான் கட்டமைக்கபட்டுள்ளன!

இல்லைனா நடந்துருக்கு!

அதுக்கான விளக்கம் கடைசியா சொல்றேன்!

என்னை என்ன தான் பண்ண சொல்றிங்க?

புதுசா ஒண்ணு கண்டுபிடி, மல்லாந்து படுத்துக்கிட்டு, காலை ரெண்டு காலையும் மேலே தூக்கி அப்படியே கும்பிடுற மாதிரி இறக்கி தினமும் அரைமணி நேரம் செஞ்சு உங்களுக்கு ”ஹைட்ராசில்” வராதுன்னு சொல்லு அதுக்கு வெதராசனம்னு பெயர் வை!

அடி வாங்க வச்சிருவிங்க போலயே!

நித்தியானந்தா மாதிரி உன்னைய ஒரு ராஜேஸானந்தாவா ஆக்கலாம்னு பார்த்தா விட மாட்டிகிறியே!

****

அது ஏண்டா தம்பி, குண்டிலினின்னு அசிங்கமா பேர் வச்சிருக்காங்க,

கீழே இடுப்புக்கு நடுவுல இருந்து ஒரு சக்தி கொஞ்சம் கொஞ்சமா தலைக்கு ஏத்தனும், ஒவ்வொரு ஸ்டெப்புக்கும் ஒரு பெயர் இருக்கு!

எல்லாரும் வாய்ல சாப்பிட்டு கீழே இறக்குவாங்க, நீங்க கீழே இருந்து மேலே ஏத்துறிங்க!
நாம் ஃப்ரெண்டிலினின்னு(front) புதுசா ஒரு தியானம் சொல்லி தருவோமா!?

அண்ணே ஆளை விடுங்க!

*****

http://krpsenthil.blogspot.com/2010/06/18_30.html

இந்த லிங்கில் இருக்கும் வீடியோ பார்த்த பிறகு வேண்டுமென்றே வம்பிழுத்து தயார் பண்ண பதிவு இது!

மூளை இரண்டு பாகங்களாக அமையபட்டிருக்கிறது, வலது, இடது என அடையாளப் படுத்தபட்டாலும் ஒவ்வொன்றிற்கும் தனிதனி வேலைகள் உண்டு!

ஞாபகம் வைத்தல், ஒன்று செய்தால் அதை வேறு ஒன்றுடன் ஒப்பிடும் வேலையை ஒரு பகுதி செய்கிறது, உணர்வு பூர்வமாகவும், லாஜிக்காவும் தனிதனியே செயல்பட மூளையின் இரண்டு பாகங்களும் மிக முக்கியம்!, ஆனால் மனிதர்கள் ஆன்மிகம் என்ற பெயரில் தியானத்தினால் கடவுளை அடைய வழி என்று மூளையின் செயல்பாட்டை செயற்கையாக தடுகிறார்கள்!, தன்னிச்சையாக தூண்டபட்ட மூளையினால் லாஜிக் பகுதி செயலிழந்து இல்லியூசன் எனப்படும் பரவசநிலை உண்மையென நம்ப வைக்கிறது!

மனம் ஒருநிலைப்படுவது தியானத்தினால் மட்டுமே என்று கூற்றை ஏற்று கொள்ளமுடியாது, எதாவது ஒன்றையே தொடர்ந்து சிந்தித்து மற்றவற்றை ஒதுக்குவதற்கு தியானம் பயன்படுகிறது என்றால். வேறு எதையும் சிந்திக்காமல் ஒரே வேலையை செய்யும் தொழிலாளிகள் அனைவரும் தியானம் தானே செய்கிறார்கள்!?, மன்நிலைபாடு தியானத்தினால் கைகுடுவதில்லை என்பதை முதலில் உணருங்கள், அது உங்களது ஆர்வத்தினால் ஏற்படுகிறது, ஆர்வமுகுதியில் நீங்கள் செய்யும் வேலையை வேறு எதுவும் சாதாரணமாக தடுத்துவிட முடியாது. உதாரணம்:செக்ஸ்

நண்பர் சதீஷ், மூச்சு பயற்சி பற்றி எழுதியிருந்தார், அதில் நாட்டமுள்ள பலரும் அதை வரவேற்று ஊக்கப்படுத்தியிருந்தார்கள், ஆனால் யாருமே மாற்று கண்ணோட்டத்தில் யோசிப்பதில்லை, மண்வெட்டி எடுத்து தினமும் நெற்றி வியர்வை நிலத்தில் சிந்த உழைப்பவனுக்கு மூச்சுப்பயிற்சியும் தெரியாது, குண்டிலினியும் தெரியாது, ஆனால் அவனை போல் ஆரோக்கியமான இயற்கை மனிதர்களை உங்களால் காட்டமுடியுமா!?

தியானம், யோகா போன்றவற்கை வெறும் உடற்பயிற்சியாக பார்ப்பது பற்றி எனக்கு எந்த அக்கறையும் இல்லை, தயவுசெய்து அவையெல்லாம் கடவுளை அடையும் வழி என்று திரிக்கும் பார்பனீய தந்திரத்துக்கு பலியாகாதீர்கள்!

இது சும்மா கொசுறு!