குவியல்!..(07.07.10)

இன்று தோழர் ”சிரி”ராம் அவர்களுக்கு இன்று(07.07.10)பிறந்தநாள், அமெரிக்காவில் இருக்கும் பாஸ்டனில் இருக்கிறார், குறைந்தது மாதத்திற்கு இரண்டு முறையாவது போனில் அழைப்பார், சிலசமயம் பாராட்டுவதற்கும், பல சமயம் திட்டுவதற்கும், நட்பு பலப்படும் போது உரிமையும் வலுப்படுவது இயற்கை தானே!, அமெரிக்காவிற்கு செல்ல இருக்கும் விசா பிரச்சனைகளை விரிவாக எழுத இருந்தார், யாராவது கிள்ளி வைத்து எழுத வைக்கவும்!, அவரது பிறந்தநாள் வாழ்த்தை இங்கே பகிர்ந்து கொள்கிறேன்! !

அவரது வலைப்பூ

ஆர்குட் தளம்!


**************

சனிக்கிழமை பெங்களுர் சென்றிருந்தேன் அலுவலக விசயமாக, நானும், இன்னொரு பெண்ணும்(யாருன்னு தெரியாதுங்க) தவிர பஸ்ஸில் யாருமே இல்லை, எங்கள் இருவருக்காக கோலார் வரை அந்த பஸ் போகுது, ரெண்டு பேருக்கும் சேர்ந்தே நூறு ருபாய் தான் டிக்கெட்! காலை 8 மணி என்றாலும் இரண்டே பேருக்காக ஒரு பஸ் என்பது கொஞ்சம் ஓவர் தானே! தமிழகத்தில் இப்படி நடந்தால் என்ன செய்திருப்பார்கள்!?

அங்கே வேலையை முடிச்சிட்டு மீண்டும் சிவாஜிநகர் வந்தேன்!, அங்கே தமிழ் தெரிந்த ஒரு கஸ்டமரிடம், எம்.ஜி.ரோடு போக வழி கேட்டேன், வெகு சிரத்தையாக! சில,பல லெஃப்டு, ரைட்டுகளை சொன்னார், நானும், அதை அப்படியே பாலோ பண்ணி போய் சேர்ந்துட்டேன், கிட்டதட்ட இரண்டரை கிலோமீட்டருக்கு மேல் இருக்கும்!, அங்கேயும் வேலையை முடிச்சிட்டு நடக்க சங்கடபட்டு ஒரு ஆட்டோ பிடித்தேன், ட்ரைவர் ட்வெண்டி என்றார், செவண்டி தான் எனக்கு சரியா கேக்கலையோ என மீண்டும் கேட்டேன்! அது ட்வெண்டியே தான், ஏறி அமர்ந்தால் ஒரு லெஃப்டு, ஒரு ரைட்டு, சிவாஜிநகர் வந்துருச்சு!, கடைக்காரர்கிட்ட போய், ஏன்யா என்னை இப்படி சுத்தவிட்டேன்னு கேட்டா, அவன் சொல்றான், நான் வந்தது ஒன்வேயாம்!

நடந்து போறவனுக்கு எதுக்குய்யா ஒன்வே! உங்க கடமை உணர்ச்சிக்கு ஒரு அளவே இல்லையா!? அவ்வ்வ்வ்வ்வ்வ்வ்வ்வ்!

***************

எனது நண்பன் ஒருவன், ஹோட்டலில் குக்கா இருக்கான், அவனது இரு பெண் குழந்தைகள் திருச்சியில் படிக்கிறார்கள், இருவரும் முதல் ரேங்க் எடுக்கும் மாணவிகள், அவர்களுக்கு ஸ்காலர்ஷிப் கொடுக்க நினைத்த பள்ளி நிர்வாகம் சாதி சான்றிதழ் கேட்கிறது, நண்பனோ சாதிசான்றிதழ் தர மறுக்கிறான்!, அது பற்றி நான் கேட்ட சந்தேகத்திற்கு நண்பர் கல்வெட்டு போட பதிவு தான் இது, அனைவரும் தெரிந்து கொள்ள வேண்டியது!.

நண்பன் பிறப்பால் கிறிஸ்தவன் என்பதால் அதுவே போதும் என்கிறார் வலையுலக சட்ட ஆலோசகர் திரவியநடராஜன்!, இன்னும் முழுசா தெரியல, பள்ளியில் விசாரிக்க சொல்லியிருக்கேன்!


***************

சினிமா பார்ப்பது சில வருடங்களாக வெகுவாக குறைந்து விட்டது! கிருஷ்ணமூர்த்தி சார் பரிந்துரையின் பேரில் “கடவுள்” என்ற சுஜாதாவின் புத்தகம் படித்து கொண்டிருக்கிறேன்(தினம் மூணு பக்கம்), அறிமுகத்தில் அனைத்து மதங்களும் அலசபட்டிருக்கிறது, பின் வேற்றுகிரகவாசிகள், ஆவி, இயல்புநிலை தாண்டிய அதிகபடியான சக்தி, கனவு நிஜமாகுதல் என பயணப்படுகிறது, விரிவா ஒரு பதிவில் அலசனும்!

****************

நிறைவேறும் நிராசைகள்!(கவிதை மாதிரி)

உமிழ்ந்த எச்சில் போல்

ஒரு பிண்டம்

எங்கேயும் பறக்க நினைக்க

கற்பனை சிறகுகள்

தரையிலேயே நிற்க நினைக்காத

தலைகன கால்கள்

அண்டத்தையும் அளக்க நினைக்கும்

எல்லையில்லாத ஆசைகள்

ஆனாலும் இன்னொரு

எச்சில் பிண்டமே

அவனுக்கு சாத்தியமாகிறது