குவியல்! (19.06.09)

சென்ற வார ஆனந்தவிகடனில் மூன்று பதிவர்களின் சிறுகதையும், குறுங்கதைகளும் வெளியாயிருந்தது, இனி ஆனந்தவிகடன் என்றாலே நாம் தான் என்றாகிவிட்ட நிலையில் சும்மா சும்மா வாழ்த்து சொல்வது, சொறிந்து கொள்வதை விட கேவலமாக இருக்கும் என்பதால் நிறுத்திவிட்டேன், ஆனால் இந்த வாரம் அண்ணன் ஆதிமூலகிருஷ்ணனின் ”அழுக்கின் அழகு” குறுங்கதையை படித்தவுடன் அவரை கண்டிப்பாக பாராட்ட வேண்டும் என தோன்றியது.

கதை என்ற பெயரில் எதையாவது கிறுக்கி தள்ளாமல் இது போன்ற கதைகளை எல்லா பதிவர்களும் எழுதி ஆனந்தவிகடனுக்கு அனுப்பலாம், குறுங்கதைகள் மேல் ஒரு மரியாதை கிடைக்கும்,

********************************

சென்ற வாரம் தோழர் அதிஷாவின் சகோதரி திருமணம் கோவையில் இனிதே நடந்தேறியது, வாரநாட்களில் வந்து விட்டதால் நிறைய நண்பர்கள் செல்ல முடியவில்லை என்பதை அறிந்தேன், நானும் அப்படியே!

வரும் வாரம் நண்பர் கார்த்திகைப்பாண்டியனின் சகோதரி திருமணம் மதுரையில் நடக்க இருக்கிறது. சுற்றமும் சூழமும் வந்து வாழ்த்த நண்பரே அனைவருக்கும் பத்திரிக்கை நேரில் சென்றும், தபாலில் அனுப்பியும் அழைத்துள்ளார், இங்கேயும் அதே சூழ்நிலை தான், புதன்கிழமை திருமணம்

இருதம்பதியினருக்கும் நமது வாழ்த்துக்களை இங்கே பதிவு செய்வோம்

*********************************

சென்ற ஜூன் பத்தாம் தேதி எனக்கு ஏகப்பட்ட போன், அனைவரும் பதிவர்கள்,
அதிர்ச்சிக்குள்ளாக்கும் கேள்வியோடு, அந்த கேள்வி ”சரக்கடிக்கிறத விடப்போறிங்களாமே”
என்னாடா இது வம்பாப்போச்சுன்னு கேட்டா, எழுத்தாளார் வாமு.கோமு அவரது ப்ளாக்கில் இப்படி ஒரு திரியை கிள்ளி போடிருக்கிறார். அது வதந்தி நம்பாதிங்கன்னு நண்பர்களுக்கு புரியவைக்கும் முன்னர் ஒரு ஃபுல்லு காலியா போச்சு!

**********************************

நான் வாரத்துக்கு ஒரு பதிவு எழுதுவதே அபூர்வம், அப்படியே வந்தாலும் அது எதாவது வாழ்த்து பதிவாக இருக்கும், ஆனாலும் தினமும் நூறுக்கு மேல் ஹிட்ஸ் வருவது ஆச்சர்யமாக இருக்கும், பிறகு தான் தெரிந்தது சென்னையை சேர்ந்த ஒரு பதிவருக்கு ரீடர் என்றால் என்னவென்றே தெரியாது போல, நான் எதாவது பதிவு போட்டிருக்கிறேனா என்று தினமும் நூறுதடவை எட்டிபார்த்து எனக்கு ஹீட்ஸ் தருகிறார், அவருக்கும், ரீடர் என்றால் என்னவென்று தெரியாமல் இருப்பவர்களுக்கும்,

http://www.google.co.in/reader/


இதை கிளிக் பண்ணுங்க, உங்கள் ஜிமெயில் அக்கவுண்ட் ஐடியில் லாகின் பண்ணுங்க, add a subscription என்ற இடத்தில் கிளிக் செய்து தேவையான உரலை போட்டு சேமித்து கொள்ளுங்கள், அவர் என்ன பதிவு போட்டாலும் உங்களுக்கு மிஸ் ஆகாது, நெருங்கிய நண்பர் என்றால் அவருக்கு ப்லோயர் ஆகிவிடுங்கள், அதுவும் உங்களுக்கு ரீடரில் அப்டேட் ஆகிவிடும்,
இல்லை தினமும் நூறுதடவை எட்டி பார்த்து ஹிட்ஸ் கொடுப்பேன் என்றால் அதற்கும் ஒரு நன்றி.(இதுவரைக்கும் நூறு நன்றி சொல்லியிருப்பேனா உங்களுக்கு)

*****************************

சென்ற குவியலில் ப்ளாக்கை சேமிக்க தவறுதலாக டெம்ப்ளெட் சேமிக்கும் வழியை கொடுத்து விட்டேன்.

dashboard--> settings--> basic--> blogtools--> export blog

இது தான் சரியான முறை, சேமித்து வைத்து கொள்ளுங்கள்
(என்ப்ளாக் 15MB இருக்கிறது)

*****************************
இருளும் ஒளியும் அல்லது அதுவும் இதுவும்
(கவிதையாமா)


அது இருத்தலின் ரகசியம்
இது தொலைதலின் ஏக்கம்

அது இயல்பின் உண்மை
இது நிறம் மாறும் தன்மை

அது வெற்றிடமாய் நிரம்பிகிறது
இது வெற்றிடத்தை நிரப்புகிறது

அது இயல்பின் உச்சகட்டம்
இது ஏமாற்றத்தின் ஆரம்பம்
நம் வாழ்க்கையை போல

எழுதியது
ஹிஹிஹி நான் தான்
16 oct 2008 வலைச்சரத்தில்