தலைப்பு!

நாகரிகத்தின் ஆரம்பங்களில் மக்களின் பொழுதுபோக்காக புதினமும், நாடகமும் தான் பெரும்பங்கு வகித்தது. அதன் முதல் விளம்பரமாக அதன் தலைப்பே பிரதானப்படுத்தியது. என் நண்பர் சொல்லுவார், தலைப்பு என்பது அலங்காரம் செய்த பெண்ணை போல வசீகரம் அதிகமாக இருக்கவேண்டும் என்று. உடன்பாடு இல்லையென்றாலும் நாம் விளம்பர உலகில் தான் வாழ்ந்து கொண்டிருக்கிறோம் என்பதை மறந்து விட வேண்டாம்.

ஆரம்பங்களில் கதாப்பாத்திரத்தின் பெயரே தலைப்பாக இருந்தது, பின்னர் எதாவது பெருட்பெயர் அல்லது இடப்பெயர், ஆனால் தற்போது சினிமாவானாலும் சரி புதினங்கள் ஆனாலும் சரி தலைப்பு என்பது சுண்டி இழுக்கும் தூண்டிலை போல ஆகிவிட்டது. பதிவுலகமும் அதற்கு விதிவிலக்கல்ல!

சூடாவது எப்படி?
ஜொள்ளு விடுவது தவறா?(ஆரம்பித்தது நானல்ல, இளையகவி)
பகிரங்க கடிதம்?

இன்னும் நிறைய கண்ணில் படாமல் போயிருக்கலாம், உங்கள் கண்ணை குத்தியிருக்கலாம்.

ஆனாலும் தலைப்பில், விசயத்தை தொட்டு காட்டி விட்டு பெரிய பெரிய ஜாம்பாவன்களுக்குச் சமமாக கட்டுரை எழுதுவதில் நமது வலையுலகினர் தற்போது முதலிடத்தில் நிற்கின்றனர்.
அவர்களிடம் சாட்டியது போது அவர்கள் சொன்ன தலைப்பும், கதை சுருக்கமும்.

அதிஷா
சனி பிடித்தலும், சாராயம் காய்ச்சுதலும்
கதையின் சுருக்கமாக அவர் சொன்னது ஒருவன் சாராயம் காய்ச்சியதால் சனி பிடித்து ஜெயிலுக்கு செல்கிறான், ஜெயிலுக்கு போன பின்பு தான் தெரிந்தது அவனுக்கு சனி பிடித்ததால் தான் சாராயம் காய்ச்சவே போகிறான். பல்வேறு திருப்பங்கள் இருக்கும் என்றும் கூறினார். படிக்கும் போது பார்த்து படியுங்கள்.


அய்யனார்
மெளன மொழியின் பிரஞ்சை வடிவம்
உரையாடிலினி, மெளன விரதம் இருந்த போது இவரிடம் பகிர்ந்து கொள்ள ஆசைப்பட்டு சைகையால் சொன்னதை சிறிது டக்கிலா வாசனையுடன் நமக்கு மொழி பெயர்ந்து தருகிறாராம், கண்டிப்பாக தாவூ தீரப்போவது உறுதி, வசதி படைத்தவர்கள் டக்கிலா ரெண்டு ஷாட்டும், வசதியில்லாதவர்கள் மானிட்டர் கட்டிங்கும் அடித்து விட்டு படிப்பது நலம்.

ஜ்யோவ்ராம் சுந்தர்
சதுரம்
மொழி மற்றும் வார்த்தைகள் ஒரே மாதிரியான நீள அகலங்களை கொண்டவை, அதனால் அதை சதுரத்துடன் ஒப்பிடலாம் என்று சொல்கிறார்.
”சதுரம் என்றும் மதுரம்” என்ற கவிதை ஆரம்பிக்கும் போதே எனக்கு குறட்டை வந்து விட்டதால் அனுஜன்யா அந்த கவிதையை பிரித்து எழுதும் போது படித்து கொள்ளலாம் என்று காத்திருக்கிறேன்.

ச்சின்னபையன்
ஒரு மென்பொருளாலர், மென்பொருளாலரானால்.
நான்:என்ன இது வித்தியாசமான தலைப்பா இருக்குது, சரி என்னா தான் செய்வாங்க
ச்சின்னபையன்: என்னத்த செய்யுறது, அதான் வரிசையா வீட்டுக்கு அனுப்புறாங்களே!
இனிமே சமையல், துணி துவைத்தல் தான்.

பரிசல்காரன்
நான்கு பேரும், நானுறு சிந்தனைகளும்
நான்: ரொம்ப பெரிய பதிவா இருக்கும் போலருக்கே
பரிசல்: எங்கே! இது வரைக்கும் நானுறு பேர்த்த பார்த்துட்டேன், நாலு மேட்டர் கூட அகப்படல
நான்: என்னாது உங்களுக்கே மேட்டர் பஞ்சமா? அப்போ நாங்கெல்லாம் எங்கே போறது?

அதிரை ஜமால்
திருடன புடிச்சாச்சுங்கோ!
சமீபகாலமாக சில ப்ளாக்குகள் காணாமல் போவது யாவரும் அறிந்ததே!
அந்த திருடர்களை எலிப்பொறி வைத்து எப்படி பிடிப்பது என்று அவரது வலைப்பூவான ”கற்போம் வாருங்கள்” வலையில் சொல்லி கொடுக்கிறார். இதில் முக்கியமாக திருட்டு பயம் உள்ள வலைப்பூ வைத்திருபவர்களுக்கு ஒரு ஊசிப்போன வடைப்படம் அனுபுவாராம் அதை உங்களது வலையில் வைத்து கொள்ள வேண்டும். திருட வரும் திருடன் ஊசிப்போன வடையின் நாற்றம் தாங்காமல் மயங்கி விழுந்து விடுவான் என அந்த வடை மேல் அடித்து சத்தியம் செய்கிறார்.

பூர்ணிமாசரண்
உன்னை காணாத கண்ணும்
ஊரிலிருந்து திரும்பி வந்த ரங்கமணியை வந்ததும் வராததுமாக தான் எழுதிய எல்லா கவிதைகளையும் படிக்க சொல்லி மிரட்டியதால், ஒரே ஒரு சின்ன வேலையை மறந்துட்டு வந்துட்டேன், இதோ முடிச்சிட்டு வந்துடுறேன் என்று திரும்பி சென்ற கணவரை நினைத்து எழுதிய சோக கவிதை தான் ”உன்னை காணாத கண்ணும் கண்ணல்ல!”


இன்னும் நிறைய பேரு நல்லா தான் தலைப்பு வச்சு எழுதுறாங்க!
ஆனா அவங்கெல்லாம் கொஞ்ச நாளா எங்கூட சாட் பண்றதில்லை,
அதனால அவுங்க பதிவுகள் விட்டு போச்சு.