தமிலீஷ் ஓனர் யாரு?

திரட்டி ஒன்று புதிதாக ஆரம்பித்தாலே பதிவுலக மக்களுக்கு இந்த சந்தேகம் வந்துவிடும்!
ஒருவேளை அவராக இருப்பாரோ, இல்லை இவராக இருப்பாரோ என்று, அவரவர்க்கு ஒரு நம்பிக்கை நிலை கொள்ளும் நேரத்தில் நம் பங்குக்கு இம்மாதிரியான திரியை கொழுத்தி போடுதல் பதிவுலகை கொஞ்சம் அயற்சியடையாமல் கொண்டு செல்லும்.

சரி விசயதிற்கு வருவோம், தமிலீஷ் தொடங்கப்பட்ட போது அதற்காக லட்சகணக்கில் விளம்பரம் செய்யப்பட்டது உங்களுக்கு தெரியுமா? ஆம் நடந்தது. ஆக இது ஒரு சாதாரண ஆள் செய்திருக்க முடியாது! பணபுழக்கதிலும், பதிவர்கள் மத்தியிலும் பிரபலமாக இருந்த ஒருவரால் தான் இது சாத்தியப்படும், யார் அந்த ஒருவர்? பின் வரும் சாத்திய கூறுகளை ஆராய்வோம்.

இது சமீபத்தில் செந்தழல் ரவி அவர்கள் தமிலீஷ்க்கு நன்றி சொல்லி எழுதிய பதிவு.
சரி அவர் நன்றி தானே சொல்லியிருக்கிறார், பிறகு எப்படி அது அவருக்கு சொந்தமாகும் என கேள்வி வரலாம். இங்கே தான் அரசியல் இருக்கிறது. ஒரு திரட்டியின் நிர்வாகிகளே தங்களது முகத்தை காட்ட தயங்கும் போது அதன் உரிமையாளர் எப்படி தான் தான் உரிமையாளர் என ஒத்து கொள்வார். மேலும் சமிபகாலமாக செந்தழல் ரவி தமிழ்மணத்திலிருந்து ஓரங்கட்டப்படுவது அனைவரும் அறிந்ததே! அதற்கு இதுவும் ஒரு காரண்மாக இருக்கலாம் என ஏஜென்சி செய்தி சொல்லுகிறது. ஆக இவருக்கும் ஒரு சீட்டு போட்டு வைப்போம்.


இரண்டாவது ஓசை செல்லா! இவர் முன்பை போல பதிவுகள் எழுதுவதில்லை என்று நினைத்து கொண்டிருக்கும் வேளையில், அந்த பதிவு அவருது தான் , இந்த பதிவு அவருது தான் என சர்ச்சைகள் கிளம்பியது. அவரும் அதை ஒத்து கொண்ட போது இவருக்கு முன்பை விட பதிவுகள் எழுத அதிக நேரமிருப்பது தெரிய வந்தது. (இப்போதும் என்ன பெயரில் எழுதி கொண்டிருக்கிறாரோ), சரி இந்த சர்ச்சைக்கும், தமிலீஷ்க்கும் என்ன சம்பந்தம் இருக்கிறது. செல்லா தொழில் முறையில் ஒரு இணைய பக்க வடிவமைப்பாளர். அவரை போன்ற திறமைசாலிகளுக்கு இம்மாதிரியான திரட்டிகளை வடிவமைக்க அதிக பட்சம் ஒரு மாதம் போதும், ஆக ஓசை செல்லாவையும் ஒரு சீட்டில் அமர வைப்போம்.


அடுத்தது காசி, இவர் ஏற்கனவே இப்போது பிரபலமாக இருக்கும் தமிழ்மணம் என்னும் திரட்டியை உருவாக்கியவர், ஆக இவரையும் சந்தேக லிஸ்டில் சேர்த்து விசாரித்தால்,
”ஒரு திரட்டியை ஆரம்பித்து தாவூ தீர்ந்தது போதும், போதும் நீங்களும் உங்கள் அரசியலும்” என்று ஒதுங்கி விட்டதாக தெரிகிறது. தற்சமயம் நாம் வீட்டிலேயே சேவை(சேமியா) செய்யும் குக்கர் செய்து அதை மார்கெட் செய்து கொண்டிருக்கிறாராம்.
ஆக இவர் இதில் சம்பந்த பட்டிருப்பார் என்ற சந்தேகதை மூட்டை கட்டுவோம்.

தமிழச்சி, பல பிரபல பதிவர்களையே சில நாட்களில் கவனிப்பாரற்று கிடக்க செய்தவர்.
சில சர்ச்சைகளுக்கு பிறகு தமிழ்மணத்தில் இருந்து விலகி கொண்டார். அப்பொழுது தானும் இதை விட ஒரு பிரபல திரட்டியை உருவாக்குவேன் என சூளுரைத்ததாக நம்பதகுந்த வட்டாரங்கள் தெரிவிக்கின்றன. மேலும் செந்தழல் ரவி மற்றும் ஓசை செல்லாவும் இவருக்கு நெருங்கிய நண்பர்கள் ஆக இவர்களின் துணையுடன் ஒரு திரட்டியை ஆரம்பிப்பது ஒரு கடினமான வேலையே இல்லை தமிழச்சிக்கு! ஆக இவருக்கும் ஒரு சீட்டு போட்டு உட்கார வைப்போம்!


ஆரம்பத்தில் தமிலீஷில் சேர்ந்தவர்கள் ஒன்றை கவனித்திருக்கலாம், உங்களது பதிவு அங்கே பாப்புலர் ஆகும் பொழுது உங்களுக்கு ஒரு மெயில் வரும் உங்கள் பதிவு பாப்புலர் ஆகிவிட்டது என்று, அதன் கீழே இப்படிக்கு என்று பெயர் வருமே அதை கவனித்திருக்கிறீர்களா? ஆம் அங்கே அருண் என்று தான் இருக்கும். செந்தழல் ரவி, ஓசை செல்லா மற்றும் தமிழச்சிக்கும் நெருங்கிய நண்பன் என்ற முறையில் வால்பையன் என்ற அருணையும் சந்தேகப்பட வேண்டியிருக்கிறது. ஆனால் ஒரு திரட்டியை நிர்வாகிக்கும் அளவுக்கு வாலுக்கு மண்டையில் மசாலா இல்லை என்பதால் வாலை ஒட்ட நறுக்கி விடுவோம்.

ஆக அலசி ஆராய்ந்து பார்த்ததில் தமிழச்சி இதற்கு உரிமையாளராக இருப்பார் என தெரிகிறது,

உங்களது சந்தேகங்களையும் தெரிவிக்கலாம்.