"நேக்கு நாக்கு தள்ளிதே" - சினிமா விமர்சனம்

தமிழ் திரை வரலாற்றில் முதன் முறையாக என்று பல விசங்களில் சொல்ல கூடிய விதமாக எந்த படம் எடுக்கப்பட்டது.
நாயகன் - வாண்டு ரீக(வ)ன்
நாயகி - ஜெனிபார் லோபஸ்

கதை வசனம் இயக்கம் - வால்பையன்

கதை ஒரு கிராமத்தில் நடக்கிறது, அதிகம் மக்கள் தொகை இல்லாத இந்த கிராமத்தில், அதிகம் படித்தது நமது நாயகன் மட்டுமே.
வேறு யாரும் மூன்றாம் கிளாஸ் வரை படித்ததில்லை!?

நாயகனுக்கு வேலை மற்றவர்களுக்கு வரும் கடிதத்தை (அது எந்த மொழியில் இருந்தாலும்)படித்து காட்டுவது, இது வரை யாரும் தப்பு கண்டு பிடித்ததில்லை.(தெரிந்தால் தானே கண்டுபிடிப்பதற்கு)

இங்கே தான் வில்லன் வருகை, கிராமத்தில் எல்லோரிடமும் நல்ல பெயர் வாண்டு ரீக(வ)ன் எடுப்பதை விரும்பாத வில்லன் வெளியூர் (வெளிநாடு இல்லப்பா) சென்று பல கெட்ட வார்த்தைகளை கற்று கொண்டு வருகிறான்.

முதலில் கதாநாயகனுடன் பழக கூடாது என்று அனைவருக்கும் எச்சரிக்கை கடிதம் அனுப்புகிறான். அதை யாரும் பெரிதாக எடுத்து கொள்ளவில்லை. ஆத்திரம் அடைந்த வில்லன், அனைவருக்கும் வாண்டு ரீக(வ)ன் பெயரிலே ஆபாச கடிதம் எழுதுகிறான்,

அதிர்ச்சி அடைந்த நாயகன் ஓட்டு கேட்பது போல் எல்லார் வீட்டிற்கும் சென்று "நான் அவனில்லை" "நான் அவனில்லை' என்று புரிய வைக்கிறார்.

இதில் சஸ்பென்ஸ் என்னவென்றால் அந்த வில்லன் யாரென்றும் யாருக்கும் தெரியவில்லை. எல்லாரிடம் விசாரித்து பார்த்தாலும் அவர்கள் பதிலும் நான் அவனில்லை என்பது தான்,

நாளடைவில் பேரிங் போன fan சத்தம் பழகி போவது போல் யாரும் இந்த விசயத்தை சட்டை செய்யவில்லை,

சரி அப்பொழுதாவது வில்லனை காட்டுவார்கள் என்று பார்த்தால், கடைசியில் ஒரு மனநல மருத்துவமனையின் போர்டை மட்டும் காட்டி விட்டு படத்தை முடிக்கிறார்கள்,

இருந்தாலும் வில்லனை காட்டவில்லை என்பதால் எங்கே என்னொரு பாகம் தொடருமோ என்ற பயத்தோடு மக்கள் வெளியே வருவது அவர்கள் முகத்தில் தெரிகிறது.

நாயகி எங்கே என்று கேட்கிறீர்களா! ஒரே ஒரு காட்சியில் ஒரு புத்தகத்தின் அட்டை படத்தில் ஜெனிபார் லோபசை காட்டுகிறார்கள் அவ்வளவு தான்


தலைப்பின் அர்த்தம் புரியுமென்று நினைக்கிறேன், அது வேறு யாருக்குமல்ல எனக்கு தான்.