கடவுள் நம்பிக்கையும்! நானும், தமிழச்சியும்!

தமிழச்சியின் லேட்டஸ்ட் பதிவு சிந்தியுங்கள்
என் பங்கிற்கு நான் சிந்தித்ததில் கிடைத்தவை



நான் சொன்னேன் என்று கேட்க வேண்டாம், என்று சொல்லி இருக்கிறீர்கள், அதோடு இது சொல்லி ஐம்பது வருடம் ஆயிற்று, அதனால் ஏதேனும் மாற்று கருத்து இருந்தால் சொல்லுங்கள் என்றால் இந்த இடத்தில் ஒரு கருத்து விவாதத்தை ஆரம்பித்து இருக்கலாம்

//சாதாரணமாக ஒரு 100, 105 வருஷத்திலே உலகம் எவ்வளவு மாறியிருக்கிறது.//

<குரங்கிலிருந்து மனிதன் பிறந்தான், ஆனால் 2000 வருடங்களுக்கு மேலாக மனிதன் இதே போல் தான் இருக்கிறான், ஏன் இப்பொழுது எந்த மாற்றமும் இல்லை, என்று கேட்கும் மதவாதிகளுக்கு நான் சொல்லும் பதில்>
பரிணாம வளர்ச்சி என்பது உடல் வளர்ச்சியை மட்டுமே கொண்டதல்ல, தேவைக்கு ஏற்ப தகவமைப்பை உருவாக்கி கொள்வது, கடந்த நூறு வருடமாக பரிணாம வளர்ச்சியின் அடுத்த கட்டத்தை நாம் பார்த்து கொண்டிருக்கிறோம்,

//நெருப்புக் குச்சிகூட வெள்ளைக்காரன் வாரதிருந்தால் நமக்கு வந்திருக்குமா?//

இது சரியல்ல! நெருப்பு குச்சிக்கு சொந்தக்காரன் "வெள்ளைக்காரன்" கிடையாது!
அவனும் மதவாதி தான்! ஆனால் முட நம்பிக்கைகள் குறைவு, அடுத்தவன் கருத்துக்கு மரியாதை குடுக்கிறார்கள், அறிவியல் வளர, மதத்தில் உள்ள தடையை உடைத்தார்கள்,

//இது பெரிய காட்டுமிராண்டி நாடு, நாம் அப்படியே இருக்கிறோம். இதுதான் சொல்ல முடியும்.//

தன்னை விட உருவத்தில் பெரிய யானையை கூட அடக்கி ஆள தெரிந்தவன் மனிதன்,
அனைத்து தகுதிகளும் உள்ளவன் மனிதன், ஆனால் சிறு வயதிலிருந்தே யாருக்காவது அடிமையாக தான் இருக்க வேண்டும் என்று சொல்லி குடுக்கிறார்கள்,

வாழ்க கோசமும் ஒரு வகையான நம்பிக்கை தான், இந்த நம்பிக்கையும் மனிதனின் பகுத்தறிவை மொண்ணை ஆக்கும் என்பது என் தாழ்மையான கருத்து

//காங்கிரசினுடைய கொள்கை காந்தியைக் காப்பாத்ணும், //

காந்தியை மட்டுமல்ல, காந்தி பெயர் தாங்கியுள்ள அனைவரையும்

இறுதியாக என் வாதம் என்னவென்றால்:,

மத நம்பிக்கை ஒரு வகையான உளவியல் ரீதியை சார்ந்தது, மனதளவில் பலகீனமான மனிதன், ஏதேனும் வாய்ப்பு கிடைக்குமா என்று தேடும் பொழுது, அடுத்தவன் வீடு எரியும் பொழுது குளிர் காயும் சிலரால் ஏற்படுதபட்டதே மதம், இது இந்த நாட்டில் தான் தோன்றியது என்று சொல்ல முடியாது, எல்லா நாட்டிலும் மதங்கள் இருக்கிறது,
கடவுள் மறுப்பாளர்களும் எல்லா நாட்டிலும் இருக்கிறார்கள்,

மற்றொரு வேண்டுகோள்;
பெரியாரின் சிஸ்யை என்று சொல்கிறீர்கள்,
பெரியாரும் , ராஜாஜியும் சிறந்த நண்பர்கள் என்று தெரியாதா உங்களுக்கு,
நாம் மூட நம்பிக்கைக்கு எதிரியாக இருப்போம், பிராமணர்களுக்கு அல்ல