நான் உனக்கு எதிரி அல்ல

தி.க நடத்தும் ஊர்வலத்தை அனுமதிக்க கூடாது என்று ராமகோபாலன் அறிக்கை விடுத்துள்ளார்,

இது எந்த வகையில் அவர்களுக்கு எதிரானது என்று அவர் நினைக்கிறார் என்று தெரியவில்லை, மத மூட நம்பிக்கைகளை ஆரம்பத்திலிருந்தே எதிர்த்து வருவது தி க,

என்னை மட்டும் ஏன் எதிர்க்கிறீர்கள், சிறுபான்மையினரையும் கிண்டல் செய்யுங்கள் என்று அவர்களையும் வம்புக்கு இழுப்பது நகைப்புக்குரியது, தமிழ்நாட்டில், இந்தியாவில் இருந்து கொண்டு இங்கே எது அதிகமாக மக்களுக்கு மூட நம்பிக்கைகளை புகுத்துகிறதோ அதை தான் முதலில் எதிர்க்க வேண்டும்.

//கடவுள் உண்டு என்று சொல்ல உங்களுக்கு உரிமை இருக்குமானால் இல்லை என்று சொல்ல மற்றவர்களுக்கும் உரிமை உண்டு என்ற பொறுப்பற்ற வாதத்தை சில அதிகாரிகள் கிளப்பி இருப்பது வேடிக்கையாகவும், வேதனையாகவும் இருக்கிறது.//
உதவிஇட்லிவடை

இது எப்படி வேடிக்கை ஆகும், உங்கள் நம்பிக்கை உங்களுக்கு அவர்கள்(என்) நம்பிக்கை அவர்களுக்கு, ஊர்வலம் நடுத்துவதும் அவர்கள் உரிமை. தமிழ் நாட்டில் அரசு அனுமதி இல்லாமல் ஊர்வலம் நடத்த முடியாது, தமிழக அரசும் அதற்கு துணை போகின்றது என்று நினைத்தால், தமிழக அரசின் முத்திரை-ஐ பாருங்கள் கோயில் கோபுரம் தான் இருக்கும்,

அரசியல் ஸ்டண்ட் நடத்துவது நீங்கள் தான், அவர்கள் வேலையை அவர்கள் செய்கிறார்கள், மூட நம்பிக்கைகள் ஊர்வலம் நடத்துவது தவறென்றால், நீங்கள் பிள்ளையார் ஊர்வலம் நடத்துவதும் தவறு தானே, அதற்கு ஏதாவது ஏழைகளுக்கு உதவி செய்யலாமே,

தி.க. நக்சலைட்டு கும்பல் என்று விமர்சிப்பதற்கு உங்களுக்கு உரிமை இல்லை,
சமணர்களுக்கு என்ன கொடுமை செய்தீர்கள் என்று வரலாற்றிற்கு தெரியும், உங்கள் நம்பிக்கை மற்றவர்களை எதிரியாக பார்க்கிறது, இறை எதிர்ப்பு கொள்கை மனித நேயத்தை வளர்கிறது,

வால்பையன்