குவியல்!..(14.06.10)

முன்னுறே பதிவுகள், அதிலும் ஏகபட்ட மொக்கைகள் ஆனால் உங்களின் அன்பு உலகத்தை விட பெரியது, 703 பாலோயர்ஸ் என்பது நிச்சயம் எனக்கு நீங்கள் அளித்திருக்கும் மாபெரும் அங்கிகாரம்! 1072 ரீடர்கள், கூகுள் ரீடரில்! நான் அவ்ளோ வொர்த்தா என்று அடிக்கடி என்னையே கேட்டு கொண்டிருக்கிறேன்!, இதில் ஓரினசேர்க்கைக்கு எதிராக அதாவது அது அவர்களின் விருப்பம், விருப்பமில்லாதவர்களை தொந்தரவு செய்வது தவறு என்று எழுதியதற்கு 10 பாலோயர்ஸ் காணாமல் போய்விட்டார்கள், அவர்களது உரிமையில் தலையிட்டது பிடிக்கவில்லை போலும், எனது கடவுள் மறுப்பு கொள்கையால் பல பாலோயர்ஸ் காணாமல் போனது அனைவரும் அறிந்ததே, ஆயினும் நட்பு வேறு தனிநபர் கருத்து வேறு என்று இன்றும் நட்பு பாராட்டி கொண்டிருக்கும் உங்கள் அனைவருக்கும் எனது நெஞ்சார்ந்த நன்றிகள்!

எனக்கு பாலோயராக நீங்கள் இருந்தால் நிச்சயம் நானும் பாலோயராக இருப்பேன், அப்படி இல்லையென்றால் எனக்கு மெயில் அனுப்பவும் உங்கள் ப்ளாக் முகவரியுடன், நான் உங்களுக்கு பாலோயராக இருக்கும் பட்சத்தில் நிச்சயம் உங்கள் பதிவுகள் எதுவும் மிஸ்ஸாகாது, படிக்காமல் சென்று விடுவேனோ என்று சந்தேகித்து சாட்டில் கொடுப்பது கஷ்டமாக இருக்கிறது, உங்கள் பதிவுகள் அனைத்தையும் படிக்க வேண்டும் என்பதற்காகவே நான் தினம் ஒரு பதிவு எழுதுவது இல்லை!
****

திருப்பூரில் paazee என்ற நிறுவனம் கரன்சி ட்ரேடிங் செய்கிறோம் என்று சொல்லி பல கோடி ஏமாற்றி இருப்பதாக நண்பர் ஒருவர் தொலைபேசினார், 29 இளைஞர்கள் தொடர் உண்ணாவிரதம் இருந்து தற்சமயம் கோவை மருத்துவமனையில் இருக்கிறார்களாம்! உயிருக்கு ஆபத்தான நிலை என்பது வருத்தம் தரும் செய்தி, இதுவரை அரசு எந்த நடவடிக்கையும் எடுக்காமல் இருப்பது மந்திரிமார்கள் யாராவது பிண்ணனியில் இருப்பார்களோ என்ற சந்தேகம் கொள்ள வைக்கிறது, இது தமிழகம் முழுவதுமாக நடந்த மோசடி என்று நண்பர்கள் சொல்கிறார்கள் பாதிக்கபட்ட நண்பர்களுக்கு விரைவில் அவர்களது பணம் கிடைக்கும் என நம்புவோம்!, இம்மாதிரி முதலீடு செய்யும் போது நிபுணர்களின் ஆலோசனை பெறுவது நல்லது, தன்னிசையாக செயல்படுவது சிலசமயம் முதலுக்கே மோசமாகலாம்!


****

போபால் விஷவாயு கசிவு சம்பவத்துக்கான தீர்ப்பு மொத்த இந்தியாவையும் அதிர்ச்சியளிக்க செய்தது அனைவரும் அறிந்ததே, அதை ஒரு விபத்து என்ற நோக்கில் மட்டும் பார்த்து இந்த தீர்ப்பு அளித்திருப்பதாக அரசு தரப்பு பதில், அதற்கான நியாயம் கேட்கும் பணி ஒருபக்கம் இருக்கையில் வரும்முன் காக்க வேண்டிய மற்றொன்றையும் மறக்கக்கூடாது, அமெரிக்காவுடனான அணு மின்சார திட்டம் எந்த வகையில் பயனளிக்கும் என்று பார்ப்பதை விட என்னவெல்லாம் தீங்கு நேரிபடும் என்பதை கவனிக்க வேண்டியது மிக முக்கியம், பன்னாட்டு முதலாளிகளுக்கு விளிம்புநிலை மனிதர்களின் உயிர் பற்றி சிறிதும் கவலையில்லை, ஆர்கானிக் கழிவுகளை ஏழை நாடுகளில் கொட்டுவது, தன் தேவைக்காக ஒரு நாட்டையே அழிப்பது போன்ற செயல்களை செய்து வரும் ஏகாதிபத்திய அரசு ஏற்கனவே சொல்லிவிட்டது இத்திட்டத்தில் ஏதேனும் விபத்து ஏற்பட்டால் நாங்கள் பொறுப்பில்லை என்று, அதிலேயே பாதுகாப்புக்கு எந்தவித உத்திரவாதமும் இல்லை என்று தெரிந்து விட்டது, மின்சாரம் இல்லாமல் கூட இருந்து விடலாம், உயிர் இல்லாமல் இருக்க முடியுமா!? ஒட்டுமொத்த குரலில் இத்திட்டத்தை எதிர்ப்பதே சரியான வழி!


****

scent of woman

பார்த்தே ஆக வேண்டிய படங்கள் என என் லிஸ்டில் இருப்பதில் முக்கியமானது இந்த படம், அல்பசினோவின் அசத்தலான நடிப்பு மொழி புரியாததை மறக்க செய்யும்! வசனம், இசை இப்படத்தின் முதுகெலும்புகள், அல்பசினோவின் நடிப்பு இப்படத்தின் உயிர், கண் தெரியாதவராக வாழ்ந்திருப்பார் மனுசன்! கையை பிடிக்கும் போது கண் உனக்கு தெரியாதா, எனக்கு தெரியாதா வேண்டுமென்றால் நானே பிடித்து கொள்கிறேன் எனும் போது பாத்திரதிற்குள் இருக்கும் தன்னம்பிக்கை தெரியும்!, அல்பசினோவின் ஒவ்வொரு வசனமும் மிகுந்த சிரத்தையுடன் நேர்தியாக செதுக்கப்பட்டிருக்கும், அனைத்தும் கூர்முனை தீட்டப்பட்ட வாள் போல, இதுவரை பார்த்திருராதவர்கள் தயவுசெய்து மிஸ் பண்ணிடாதிங்க,

படம் குறித்து பிரபல பதிவர் சுரேஷ்கண்ணன் எழுதிய விமர்சனம்!


*****

நீண்ட நாள் கழித்து அண்ணன் அனுஜன்யா எழுதிய ஒரு கவிதைக்கு எதிர்கவுஜ எழுதியிருந்தேன், அது உங்கள் பார்வைக்கு!

சுவற்றிற்கு முதுகு காட்டி

சரக்கு அடிக்கும் நண்பர்கள்

மற்றும்

சைடிஷ் திண்ணும் வம்பர்கள்

வழிந்தோடும் நுரையை

உள்வாங்கும் பீர்கிளாஸ்

விரலின் உத்வேகத்தில்

எகிறி பறக்கும் மூடி

புளித்த பீர்

முழுதாய் குடித்தபின்

மூக்கு விடைத்து

வாய் திறந்து

நாற்றமாய் வரும்

கு”பீர்” ஏப்பம்

புதிய பீரின் வாசத்துக்கும்

வம்பர்களின் தொல்லைக்கும்

சில பீர் காலியாகும்

எப்போதும் சைடிஷ் இல்லாமல்

அனைத்தையும் கண்காணிக்கும்

மௌனக் கண்ணாடியாக

வியாபித்திருக்கும் பீர்பாட்டில்