உன்னநான் கட்டிக்கிட்டு!...

உன்னநான் கட்டிக்கிட்டு
என்னாத்த சுகங்கண்டேன்

நகையுண்டா நட்டுண்டா
காதலயும் கழுத்துலயும்

பேருண்டா பெருமையுண்டா
ஊருகுல்ல உலகத்தில

ஓடாத்தேஞ்சு போனேன் -அழுக்கு
துணி துவைச்சு போட்டே

மெழுகா உருகிப்போனேன் -கறியும்
சோறும் ஆக்கி போட்டே

ஒன்னாந்தேதியானா சிரிச்சிகிட்டே
வர்ர மச்சான்

பத்து தேதி மேலே
சிறுக்கின்னு வையுறியே

ஆயிரந்தான் வஞ்சாலும்
உன்போல ஆள் வருமா

ஊருள்ளே நடக்கையில
உனக்காரும் தோள் வருமா

சோலிக்கு போனேயே
தூக்கிசட்டி தூக்கிகிட்டு

ராவும் வந்துருச்சே
கீழ்வானம் இருண்டுருச்சே

இடி சத்தம் மேக்கால
தூறல் ஒண்ணு மார்மேலே

மீன் கொழம்பும் ஆறுது
என் உடம்பும் காயுது

கண்ண கட்டும் முன்னே
ஓடி வாயேன் என் ராசா